09.11.2011 / 11:32

Купляючы нават $1, давядзецца адказаць, навошта купляеце валюту 41

Абслугоўванне аднаго кліента па новых правілах займае тры з паловай хвіліны.

Дачакаўшыся 9 лістапада, карэспандэнт «НН» выправіўся ў абменнік. Дата для беларускай эканомікі істотная, бо менавіта з гэтага дня для куплі любой валюты патрабуецца пашпарт. Што ж, праверым новаўвядзенні на сабе.

Аддзяленне «Беларусбанка» каля плошчы Перамогі. З валютай працуюць усе вокны, але ахвотных набыць даляры і еўра няма. Дачакаўшыся сваёй чаргі, прашу $10 і запускаю секундамер. Раней абмяняць грошы можна было за секунд трыццаць, што ж будзе цяпер?

«Пашпарт з сабой ёсць?» — пытаецца касірка. «Вядома ж!», — працягваю яго ёй. Мужчына збоку пытаецца,

а колькі цяпер у дзень можна купляць валюты?
«Без абмежаванняў!» — з гонарам адказвае касірка і запускае праграму, у якую давядзецца ўвесці ўсю інфармацыю з майго пашпарта. Здаецца, яна бачыць праграму ўпершыню, бо ўдакладняе ў калегі: «Што, і месца нараджэння ўказваць?» Тая катэгарычная: «Запаўняй усе графы». У камп’ютар павольна перацякаюць прозвішча, імя, імя па бацьку, месца рэгістрацыі… Секунды цікаюць і цікаюць, а даляры я атрымаць так і не магу. Раптам касірка заходзіцца смехам: «А мэту куплі якую ўказваць?» Я задумваюся, сапраўды,
навошта мне тая валюта?
Суседка падказвае: «Пішы, што для асабістых патрэбаў». Нарэшце, анкетаванне сканчваецца, і касірка выдае мне грошы і чэк. Дарэчы, на ім ніякай асабістай інфармацыі няма, толькі сума валюты і курс, як і раней. Гляджу на секундамер — прайшло тры з паловай хвіліны.
«Мэты куплі трэба было ўказваць і раней, але толькі пры вялікіх аб’ёмах валюты, —
тлумачыць супрацоўнік іншага аддзялення «Беларусбанка». — Адзін кліент сказаў, што не давярае банкаўскай сістэме Беларусі, дык я гэта і запісаў у базу. А цяпер сітуацыю давялі да абсурду. Нават калі ў мяне купляюць адзін даляр, я буду перадрукоўваць інфармацыю з пашпарта, а пасля яшчэ смяшыць чаргу сваім недарэчным пытаннем «Навошта валюта?».

Ягор Марціновіч

0
Yura / Адказаць
09.11.2011 / 11:50
Всем покупать по 10$ и становиться в конец очереди по новой - пускай поработают, работнички. На вопрос для чего валюта отвечайте: "Не ваше дело".
0
Satan / Адказаць
09.11.2011 / 11:51
Предлагаю в качестве мэты указывать: "жопу подтирать" Считаю, что подтирать жопу уражеской валютой полностью соответствует государственной идеологии Республики Беларусь.
0
Yura / Адказаць
09.11.2011 / 12:07
Кстати не во всех банках установлена это программа для продажи валюты по паспорту, а только в крупных. Кассирам мелких банков сказали продавать валюту как обычно, а данные вносить куда-то себе в компьютер, а не в единую электронную базу.
Паказаць усе каментары/ 41 /
Каб пакінуць каментар, калі ласка, актывуйце JavaScript у наладах свайго браўзеру