Бензін ізноў падаражэў
Дзясяты раз з пачатку года.
10 лістапада чакаецца чарговае, дзясятае з пачатку гэтага года, павышэнне рознічных цэн на нафтапрадукты.
Паводле звестак інфармацыйна-асветніцкай установы «За Аўто», бензін падаражэе ў сярэднім на 3%, дызельнае паліва — на 7%. Гэтыя звесткі БелаПАН пацвердзіла крыніца ў канцэрне «Белнафтахім». Афіцыйных каментароў з нагоды чаканага павышэння коштаў на паліва ў канцэрне традыцыйна не даюць.
Апошні раз цэны на паліва падвышаліся ў Беларусі 16 кастрычніка: бензін падаражэў у сярэднім на 3%, дызпаліва — на 5,1%.
Сёння літр бензіну АІ-95 каштуе 5.360 рублёў, АІ-92 — 4.970, «Нармаль-80» — 4.740, дызельнага паліва — 5.360.
naviny.by
Хочаш падзяліцца важнай інфармацыяй ананімна і канфідэнцыйна?
Пішы ў наш Тэлеграм
