22.11.2011 / 12:57

Блокбастар «Жыве Беларусь» + дадаліся фоты 123

У Польшчы пачалі здымаць фільм аб прыгодах беларускага апазіцыянера. Запытаны бюджэт кінастужкі складаў $1,9 мільёна.

Галоўнага героя сыграе беларускі рэпер Вінсэнт, які сам перажыў тое, пра што гаворыць фільм.

Сяброўку Вінсэнта будзе граць польская акторка Караліна Грушка.

Кадр з фільма: галоўнага героя забіраюць у войска, медкамісія. Фота Sasza Reznikow, Facebook.com.

Робіцца вядомым усё больш дэталяў пра новы фільм, які здымаецца ў Польшчы па сцэнары Франака Вячоркі. Новыя падрабязнасці расказаў у інтэрв’ю радыё «Свабода» рэпер Вінсэнт (Зміцер Папко), які выконвае ў стужцы галоўную ролю.

Як аказалася, рабочая назва фільма — «Мірон. Жыве Беларусь». Аснову ягонага сцэнару складаюць падзеі, якія адбываюцца ў сучаснай Беларусі. Фільм здымае польская дзяржаўная кінастудыя Wytwórnia Filmów Dokumentalnych i Fabularnych. Замоўцам і спонсарам стужкі стала Міністэрства культуры Польшчы.

​​

Рэжысёр карціны — 35-гадовы паляк Кшыштаф Лукашэвіч.
Апэратарам фільмуастаў Вітальд Сток, які здымаў сэрыялы «Закон Мэрфі» і «As if…». Лукашэвіч раней працаваў асыстэнтам рэжысэра на такіх вядомых стужках як «Бэнэк» (2007), «Quo Vadis» (2001), «Агнём і мячом» (1999). «Мірон» — другая самастойная праца Лукашэвіча. У 2010 ён зняў свой першы фільм «Лінч».

Зміцер Папко расказаў, што

«ідэя фільма і большая частка сцэнару напісаныя самім рэжысёрам Кшыштафам Лукашэвічам. У стварэнні гісторыі для фільма ўдзельнічаў і Франак Вячорка. Некалькі дэталяў ягонай біяграфіі трапілі ў сцэнар».

Сяброўку Вінсэнта ў фільме грае польская акцёрка Караліна Грушка. Беларускі глядач мог бачыць яе ў фільме Міхаіла Пташука «Ў жніўні 44-га» ў ролі Юліі.

Галоўны герой будзе зборным вобразам маладога беларускага змагара за свабоду.
Вось што расказаў у перапынку паміж здымкамі для радыё «Свабода» Зміцер Папко пра свайго героя:
«Гэта малады чалавек, рок-музыка, з ім здараюцца розныя сітуацыі. Гэта змаганне ўнутранае з самім сабой, са сваімі перакананнямі, змаганне з сістэмай,
са знешнімі фактарамі. Падрабязна не магу распавядаць, бо потым нікому не будзе цікава кіно глядзець. Гэта мастацкая выдумка, мы здымаем толькі кіно. Гэта не палітычная замова. Гэта проста цікава знята».

Ну і сунічка:

«Пасцельныя сцэны будуць, але гэта будзе неяк акуратна зроблена».

— Ну і як прайшло?

— Ну як звычайна. Перад гэтым фільмам было шмат пробаў, мы рэпетавалі, таму на пляцоўцы ўжо было не так складана.

Папко расказвае, што фільм у першую чаргу разлічаны на заходняга гледача. Ён не раскрывае бюджэту стужкі, але лічыць, што «па беларускіх мерках гэта вельмі добры бюджэт, але па заходніх — грошай не надта шмат».

Міністэрства культуры Польшчы хутка апублікуе звесткі пра бюджэт карціны. Пакуль ёсць звесткі толькі пра запытаны бюджэт, які складаў больш за 2 мільёны даляраў.

Новая стужка стане рэдкім прыкладам стужкі пра Беларусь на беларускай мове і без цэнзуры. У гэтым сэнсе фільму забяспечана роля культурнай з’явы.

0
Віншую! / Адказаць
22.11.2011 / 13:05
Вось табе, бабця, Франакаў дзень! Тут ужо зганьбілі, закляймілі, закапалі таго Франака (усё ж па-польску - Франка) жыўцом, што не зрабіўся Кастусём. А ён вось і зрабіўся Міронам, ды яшчэ файным кавалерам... Віват!
0
Tomasz M. Bladyniec / Адказаць
22.11.2011 / 13:07
Super, paspiehau!!!
0
Чужы / Адказаць
22.11.2011 / 13:28
Чуе сэрца, што будзе рэдкаснае нудоцьце насамрэч.
Паказаць усе каментары/ 123 /
Каб пакінуць каментар, калі ласка, актывуйце JavaScript у наладах свайго браўзеру