Прызначаная лінгвістычная экспертыза выказванняў лідара гурта "Ляпіс Трубяцкой" Сяргея Міхалка ў дачыненні да Лукашэнкі.
Экспертыза прызначаная ў рамках праверкі, якую праводзіць пракуратура Цэнтральнага раёна Мінска ў дачыненні да музыкі.
Як паведамлялася раней, праверка ў дачыненні да Міхалка вядзецца з пачатку кастрычніка. Паколькі праваахоўныя органы не маюць магчымасці дапытаць Міхалка, які знаходзіцца за межамі Беларусі, праверка працягваецца. Праверка можа працягнуцца некалькі месяцаў.
Крымінальная справа ў дачыненні да музыкі пакуль не заводзілася. Запытаў для правядзення следчых дзеянняў з Сяргеем Міхалком ў іншых краінах таксама пакуль не накіроўвалася.
У апошніх інтэрв'ю Сяргея Міхалка гучала рэзкая крытыка ў адрас беларускіх уладаў і асабіста Аляксандра Лукашэнкі.