У параўнанні з 1 студзеня гэтага года жыхароў краіны стала менш на 14,5 тыс. чалавек, паведаміла прэс-сакратар Нацыянальнага статыстычнага камітэта Алена Кандраценка.
Скарачэнне колькасці насельніцтва абумоўлена перавышэннем на 22 тыс. 956 чалавек колькасці памерлых над колькасцю народжаных пры дадатным міграцыйным прыросце 8 тыс. 479 чалавек (у студзені-кастрычніку ў Беларусь прыбылі 14 тыс. 433 чалавекі, выбылі 5 тыс. 954).
Колькасць жыхароў за дзесяць месяцаў павялічылася толькі ў Мінску — з 1 млн. 864,1 тыс. чалавек на 1 студзеня да 1 млн. 879,6 тыс. чалавек на 1 лістапада. У астатніх рэгіёнах рэспублікі колькасць жыхароў за студзень-кастрычнік зменшылася. У выніку на 1 лістапада ў Гомельскай вобласці налічвалася 1 млн. 430,7 тыс. чалавек, у Мінскай — 1 млн. 405,8 тыс., у Брэсцкай — 1 млн. 392,1 тыс., у Віцебскай — 1 млн. 214,6 тыс., у Магілёўскай — 1 млн. 81,5 тыс., у Гродзенскай — 1 млн. 62,4 тыс. чалавек.
У Беларусі ў студзені-кастрычніку нарадзілася 90 тыс. 425 малышоў — на 425 дзяцей больш у параўнанні са студзенем-кастрычнікам 2010 года. Агульны каэфіцыент нараджальнасці за дзесяць месяцаў у цэлым па рэспубліцы склаў 11,5 на 1 тыс. жыхароў (за аналагічны мінулагодні перыяд было 11,4 праміле). Сярод рэгіёнаў краіны самы высокі гэты паказчык традыцыйна ў Брэсцкай вобласці (12,6 праміле), самы нізкі — у Віцебскай (10).
За студзень-кастрычнік памерла 113 тыс. 381 чалавек — на 646 менш у параўнанні са студзенем-кастрычнікам2010-га. Агульны каэфіцыент смяротнасці за дзесяць месяцаў па рэспубліцы складаў 14,4 на 1 тыс. насельніцтва (за адпаведны перыяд мінулага года ён быў таксама 14,4). Сярод рэгіёнаў краіны самы высокі гэты паказчык у бягучым годзе ў Віцебскай вобласці (16,4 праміле), самы нізкі — у Мінску (9,8).
Дзіцячая смяротнасць (дзяцей ва ўзросце да 1 года) знізілася ў Беларусі з 4,0 на 1 тыс. народжаных у студзені-кастрычніку 2010 года да 3,9 праміле ў студзені-кастрычніку2011-га.
БелТА
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
