01.12.2011 / 18:59

Любімыя песні: Віктар Малішэўскі 5

Сярод беларускіх блогераў каго толькі няма, але Віктар Малішэўскі нават для інтэрнэт-прасторы, дзе, здавалася б, каго толькі няма — асоба незвычайная. Ён адсочваў жэстыкуляцыю Лукашэнкі, «знаходзіў» 500 мільярдаў рублёў для краіны, падлічваў, колькі давядзецца Ярмошынай у крызіс заплаціць за боршч, прымяраў джэмпер кіраўніка дзяржавы, аналізаваў папраўкі да законаў і пісаў фельетоны. Яго любяць не ў апошнюю чаргу за тое, што Малішэўскі нават у самых крытычных сітуацыях не губляе аптымізму, і, калі што, можа на пальцах растлумачыць сутнасць любой эканамічнай праблемы.

Якую музыку слухае вядомы блогер?

«Калі так сходу, дык гэта хіба што The Rolling Stones, песня Streets of Love, — кажа Віктар. — Яна стаіць у мяне на будзільніку. Відаць, яна і сабаку майму падабаецца — абазначае, што зараз на вуліцу. Мне здаецца, яна такая чароўная».

«Пачка сигарет» Цоя — на мабільніку ў мяне гэтая песенька шмат гадоў ужо. І кожны, хто тэлефануе мне ўпершыню, пачынае з фразы: «Значыць, усё не так і кепска» Мяне цяжка бывае вызваніць — я доўга не бяру слухаўку звычайна. Таму, патэлефанаваўшы, можна даслухаць да другога прыпеву, як мінімум».

«І Ніно Катамадзэ Movaneba — можна слухаць гадзінамі, незразумела чаму».

«А яшчэ «Пахне чабор» Вольскага на вершы Броўкі — майму сыну вельмі падабаецца, і я сам сябе лаўлю на тым, што, калі добры летні настрой, напяваю менавіта яе», — адзначае Малішэўскі.

ЮУ

0
Кнехт / Адказаць
01.12.2011 / 19:05
Малішэўскаму рэспект! Выдатны блогер - імгненны, востры, дакладны. Заўжды цікава яго чытаць. (ягоных любімых песень пакуль не слухаў). ХАЦЕЛАСЯ Б ПАЧУЦЬ Хацелася б таксама пачуць і любімыя песні нашых "блогераў": Дзімыча (заўваж, падстаўляю цябе першым! :) ), КатА (дзе ты прапаў?), Фядуты (калі ўжо пачуем нарэшце!), Валькірыі (толькі тры песні! :) ), Ф.Ныркі, БР (хаця і так зразумела "Божа, Цара храні!" - 3 разы), Жорыка (новенькага нашага абсірацеля - напэўна, гімн "Не жыве Беларусь" - 3 разы), Шайтана не забыць (што-небудзь ... ? - прабач, чытаў тваё ў паўвока, ды й таго не ўцяміў :)) і г.д. і т.п. Мой спіс хаатычны і не поўны. Ахвочыя могуць сістэматызаваць і дапоўніць. Запрашаю.
0
Satan / Адказаць
01.12.2011 / 21:10
2Кнехт Я слушаю много различной музыки. Но 3 песни, без стёба и если подумать... ну, пусть будет так. Крывакрыж - Рагнарадзі http://youtu.be/RIff6jTcKgQ Ария - Игра с огнем http://youtu.be/HH4nT8D2spQ Queen - The show must go on http://youtu.be/4ADh8Fs3YdU По крайней мере это композиции, которые я могу прослушивать сотни раз.
0
Кнехт / Адказаць
01.12.2011 / 21:17
2 Satan Дзякуй. Абавязкова праслухаю і ... пракаментую, калі асілю. :)
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру