Пра гэта сёння заявіў на прэс-канферэнцыі ў Мінску намеснік міністра замежных спраў Беларусі Аляксандр Гур’янаў. Адказваючы на пытанне, ці плануюць беларускія ўлады ў наступным годзе праводзіць за межамі краіны буйныя інвестыцыйныя форумы, ён сказаў:
«Гэтую практыку мы будзем працягваць. Мы праводзім такія форумы як у нашай краіне, так і кропкава ў вядучых сусветных фінансава-эканамічных цэнтрах. Нам падаецца, што гэтыя форумы маюць усё ж пазітыўны вынік, бо яны найперш забяспечваюць вялікі паток інфармацыі пра магчымасці нашай краіны. І адначасова — дыялог паміж дзяржавай і замежным бізнэсам.
У наступным годзе мы плануем такія форумы і разглядаем новыя кропкі. Мы даволі актыўна адпрацавалі ў еўрапейскім рэгіёне, калі правялі форумы ў Лондане і Франкфурце. Мы плануем разгарнуць працу ў вядучых азіяцкіх сталіцах».
Радыё Свабода
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ