08.02.2007 / 16:45

Памёр мастак Віктар Сташчанюк — пясьняр хараства і гісторыі Беларусі 1

Ён рэканструяваў помнікі старажытнага дойлідзтва Менска, Наваградка, Полацка, рабіў выдатныя ілюстрацыі да гістарычных кніг, стварыў сэрыю марак.

Ураджэнцу Наваградчыны Віктару Сташчанюку было 73 гады.

Сташчанюк быў ня толькі мастаком, але й архітэктарам, мастаком па інтэр’ерах, навукоўкам‑дасьледчыкам, рэканструктарам помнікаў старажытнага дойлідзтва Менска, Заслаўя, Наваградка, Полацка.

Ён рабіў ілюстрацыі да гістарычных кніг, стварыў шэраг беларускіх марак, быў аўтарам графічных і алейных станковых твораў, што апавядаюць пра Беларусь, яе хараство і гісторыю, культуру і здабыткі спадчыны.

Поўны тэкст артыкула Тацяны Гаранскай, зьмешчаны год таму ў «Нашай веры».

Ул. інф.

0
Харэўскі / Адказаць
12.02.2007 / 12:11
Памёр Віктар Сташчанюк, мастак, чые творы, прысьвечаныя старасьвецкаму дойлідзтву Менска, Наваградка, Заслаўя, бачыў, бадай, кожны. Сёньня зь ягонымі непрэтынцыйнымі малюнкамі выходзяць паштоўкі, календары ды буклеты. А некалі гэта быў вычын патрыёта — апяваць старадаўнія муры. Гэтак ён абесьсямроціў сваё імя й ўвайшоў у гісторыю нашае культуры й нашага нацыянальнага супраціву. У суботу прыняла яго родная Наваградская зямля. Сьветлая памяць!
Каб пакінуць каментар, калі ласка, актывуйце JavaScript у наладах свайго браўзеру