зніжаюць яго адказнасць за вырашэнне праблем, якія ставіць перад ім выбаршчык. Такую думку ў інтэрв’ю БелаПАН выказаў сакратар Цэнтрвыбаркама Мікалай Лазавік.
«Я з’яўляюся прыхільнікам мажарытарнай сістэмы, калі дэпутат прадстаўляе канкрэтную акругу і робіць справаздачу аб сваёй працы не перад партыяй, а перад канкрэтнымі выбаршчыкамі», — падкрэсліў ён.
Лазавік мяркуе, што ўзровень дэмакратычнасці выбараў і, тым больш, абранага парламента ні ў якім выпадку не залежыць ад спосабу абрання.
На яго думку, партыя «Адзіная Расія» на парламенцкіх выбарах у РФ 4 снежня не дабілася безагаворачнай перамогі, таму што знаходзілася ў больш цяжкіх умовах у параўнанні з іншымі партыямі. «Выбары праходзілі ва ўмовах сусветнага крызісу, які не абмінуў і Расію. Прэтэнзій да правячай партыі вельмі шмат: і тыя, якія ўзніклі аб’ектыўна падчас крызісу, і тыя, якія яны самі стварылі ў выніку сваёй працы. Таму зусім аб’ектыўна, што частка выбаршчыкаў прагаласавала і за іншыя партыі», — мяркуе сакратар Цэнтрвыбаркама.
У Беларусі, лічыць Лазавік, «людзі, як і раней, будуць галасаваць за асобу, якой давяраюць». «Крытэрыі адбору ў нас не мяняюцца. Думаю, беларускі народ, як і раней, будзе галасаваць за найбольш годных і паважаных, тых, хто здольны вывесці краіну на больш высокі эканамічны і сацыяльны ўзровень», — сказаў ён.
Лазавік падкрэсліў,
што і ў Расіі, і ў Беларусі падлічваюць галасы «вельмі старанна».«Іншая рэч, што некаторым вынікі падліку вельмі не падабаюцца. Але гэта залежыць не ад таго, як лічаць, а як людзі галасуюць. Калі нейкая палітычная сіла не мае сацыяльнай базы, не карыстаецца падтрымкай выбаршчыкаў, то, як ні лічы, яна будзе ў аўтсайдарах», — сказаў ён.
Сакратар ЦВК паведаміў, што да чарговых парламенцкіх выбараў уносіць змены ў заканадаўства не прадугледжваецца, а арыенціровачны тэрмін іх правядзення — сярэдзіна верасня 2012 года.
