07.12.2011 / 10:34

Як расстрэльвалі невінаватых 34

У найноўшай гісторыі Беларусі ўжо быў выбух «з мэтай дэстабілізацыі абстаноўкі».

Недавер да высноваў следства па справе Канавалава і Кавалёва тлумачыцца не толькі стаўленнем да палітычнай сістэмы, але і памяццю пра нядаўнюю гісторыю. Людзям яшчэ помная гучная «Віцебская справа». Як і ў гісторыі серыйнага забойцы Міхасевіча, ёсць рызыка пакараць смерцю невінаватых, кажуць яны.

У справе Міхасевіча быў свой Кавалёў

Серыйны забойца Генадзь Міхасевіч за 14 гадоў забіў 36 жанчын. За яго грахі расплачваліся іншыя: прайшло 11 працэсаў, было асуджана 14 чалавек, аднаго з іх расстралялі, адзін аслеп у турме, адзін спрабаваў скончыць жыццё самагубствам, адзін адседзеў 10 гадоў.
Дарэчы, аднаго з першых пакараных па справе віцебскага душыцеля звалі Кавалёў. Ён з кампаніяй сяброў выпадкова трапіў на месца, дзе знайшлі ахвяру Міхасевіча. Усіх трох асудзілі.

Што дазволіла Міхасевічу так доўга заставацца беспакараным?

Бо следчыя не імкнуліся разабрацца, а спяшаліся вырваць прызнанне. Высокае начальства прыспешвала.
Калі Міхасевіча схапілі, за перагібы былі пакараныя і некаторыя следчыя. Адзін з іх, Валерый Сарока, упёк за краты кіроўцу Алега Адамава, падкінуўшы яму фота адной з ахвяр. Адамаў спрабаваў забіць сябе ў турме.
Следчы ж, адседзеўшы за перавышэнне паўнамоцтваў, напісаў пра віцебскую справу кнігу.

Арыштавалі Міхасевіча ў 1985-м. Праз тры гады яго расстралялі.

«Для дэстабілізацыі становішча ў вобласці»

Можна яшчэ згадаць забойства Яўгена Мікалуцкага, старшыні Магілёўскага абласнога дзяржкантролю.
Чыноўнік загінуў ва ўласным пад’ездзе падчас выбуху 6 кастрычніка 1997. З тагачасных публікацый працэс паўстае не менш заблытаным, чым справа тэракта ў метро.

Абвінавачаных было чацвёра. Адзін з іх, былы маёр КДБ Валерый Ткачоў, загінуў у следчым ізалятары. Афіцыйная версія — самагубства. Аднак былі сумневы: былы камітэтчык меў сярод абласных сілавікоў і чыноўнікаў нямала ворагаў. Пасля яго смерці роля лідара «банды Ткачова» выпала на долю Віктара Янчэўскага, звычайнага рабочага. Яны нават не былі добра знаёмыя з Ткачовым.

Абвінавачанне грунтавалася на сведчаннях Анатоля Гаўрылава, які сябраваў з сынам Ткачова і ведаў Янчэўскага. У часе следства ён расказваў пра «падрыхтоўку» да забойства Мікалуцкага і магчымы замах на Лукашэнку. Але на судзе адмовіўся ад паказанняў, заявіўшы, што сведчыў пад ціскам.

У абвінаваўчым заключэнні гаварылася, што забойства Мікалуцкага хацелі выкарыстаць для «дэстабілізацыі абстаноўкі ў Магілёўскай вобласці».
Проста цытата з працэсу Канавалава.

Прысуд па справе Мікалуцкага быў вынесены ў чэрвені 1999-га. Янчэўскі атрымаў 11 гадоў турмы, Гаўрылаў — 5, Радзікоўскі — 4. Як чарнобылец ён трапіў пад амністыю і быў вызвалены ў зале суда.

Сямён Печанко

0
НКВД / Адказаць
07.12.2011 / 10:45
Бо следчыя не імкнуліся разабрацца, а спяшаліся вырваць прызнанне. Вот центральная суть наших белорусских следственных органов, приемников Дзержинского - заставить любыми способами признать свою вину, побыстрей состряпать дело и отправить невиновного на казнь. Позор этой системе, Божий суд без пощады и милости таким выродкам и их семьям!
0
Рэдактару / Адказаць
07.12.2011 / 11:07
Нашаніўцы, распрацуйце тэму: збіраліся падняць цану на праезд з 1 снежня. у праязныя білеты заклалі павышаную цану. а з 1 снежня праезд не падаражэў. усіх пакупнікоў праязных накалолі? ці я нешта не зразумеў?
0
Анонимоаз / Адказаць
07.12.2011 / 11:09
"былы камітэтчык меў сярод абласных сілавікоў і чыноўнікаў нямала ворагаў." - А кто-нибудь задался вопросом: почему? Не бизнесом же они в своих ведомствах занимаются, а как бы общим делом... Небольшой оффтоп. А КГБэшники давали Присягу под бело-красно-белым флагом и Погоней? А какой герб был у кгб в 94-м? Весь интернет перерыл - не нашел ни информации ни герба кгб образца 94-го года (так к слову, интересно просто).
Паказаць усе каментары/ 34 /
Каб пакінуць каментар, калі ласка, актывуйце JavaScript у наладах свайго браўзеру