07.12.2011 / 11:41

ДАІ пачала акцыю па папярэджанні ДТЗ з удзелам п'яных кіроўцаў

Для своечасовага выяўлення вадзіцеляў у стане ап’янення і спынення дарожна-транспартных здарэнняў з іх удзелам з 7 снежня 2011 года па 7 студзеня 2012 года Дзяржаўтаінспекцыя праводзіць рэспубліканскую прафілактычную акцыю «Спыні бяду!».

Як паведамілі ва ўпраўленні ДАІ МУС Беларусі, падчас правядзення акцыі супрацоўнікі Дзяржаўтаінспекцыі наведаюць працоўныя калектывы, дзе нададуць асаблівую ўвагу тлумачэнню адказнасці за кіраванне транспартам у стане ап’янення, спосабам прадухілення выпадкаў нецвярозага ваджэння (выключэнне доступу да ключоў, паведамленне па тэл. 102), дэманстрацыі прафілактычных відэафільмаў з наступствамі такога ваджэння.

Таксама будзе забяспечаны кантроль за фізічным станам удзельнікаў дарожнага руху, у тым ліку і ў месцах правядзення святочных мерапрыемстваў, для своечасовага выяўлення і адхілення ад кіравання транспартнымі сродкамі вадзіцеляў у стане ап’янення.

Каб пакінуць каментар, калі ласка, актывуйце JavaScript у наладах свайго браўзеру