Ваўкавыскі прадпрымальнік Мікалай Аўтуховіч, які адбывае пакаранне ў Івацэвіцкай калоніі, пераведзены ў памяшканне камернага тыпу на месяц.
Як зазначаюць праваабаронцы, пакуль невядома, што стала прычынай такога рашэння адміністрацыі калоніі. «Але якой б ні была фармальная прычына, гэты факт неабходна разглядаць як працяг пастаяннага ўціску на Мікалая Аўтуховіча з боку адміністрацыі за яго нязменную прынцыповую пазіцыю», — падкрэсліваюць праваабаронцы.
Варта зазначыць, што з часу пазбаўлення адваката Паўла Сапелкі права займацца прафесійнай дзейнасцю ў сакавіку гэтага года Аўтуховіч застаецца без адваката.
Нагадаем, у маі 2010 года ваўкавыскі прадпрымальнік Мікалай Аўтуховіч рашэннем Вярхоўнага суда быў прыгавораны да пяці гадоў і двух месяцаў пазбаўлення волі з адбываннем пакарання ў калоніі строгага рэжыму за перавозку і захоўванне пяці патронаў да паляўнічай стрэльбы.
