Як сёння прызнаецца «Камсамолцы» Думбадзэ, прапанова ўзначаліць беларускі офіс «тэлерадыёвяшчальнай арганізацыі саюзнай дзяржавы» паступіла яму яшчэ ўлетку ад старшыні канала Ігара Угольнікава.

— З гэтай прычыны я з новага сезона не пайшоў працаваць у кадр ток-шоу «Адкрыты фармат». Каб потым, у сярэдзіне сезона гледачы не шукалі якіх-небудзь прычын майго сыходу з праграмы, — кажа Думбадзэ. — Слава Бандарэнка і без мяне дае рады.

Праўда, з АНТ цалкам сыходзіць Думбадзэ не збіраецца. Будзе працаваць па прынцыпе сваіх калег Аляксандра Сярэбранікава і Георгія Калдуна, якія, нагадаем, апошнія паўгода катаюцца ў суседнія краіны (Расія, Украіна), дзе вядуць праграмы.

«Перадача «Дыханне планеты» са мной у эфіры АНТ застанецца. Быў у Афганістане. У студзені еду ў Пакістан, — распавядае Тэнгіз. — Больш за тое, я ўжо дамовіўся, і з Новага года мая праграма будзе выходзіць на канале ТРА «Саюз».

Нагадаем, на АНТ Тэнгіз працаваў з 2004 года. Аўтар, вядучы і кіраўнік творчай групы праграмы «Дыханне планеты». Пасля закрыцця праграмы «Выбар» з Сяргеем Дарафеевым стаў сувядучым ток-шоу «Адкрыты фармат».

Хочаш падзяліцца важнай інфармацыяй ананімна і канфідэнцыйна?