Заведзена крымінальная справа. Яму пагражае да 5 гадоў турмы.
Савецкі РУУС Мінска распачаў крымінальную справу ў дачыненні да невядомага мужчыны, які ў вагоне метро паведаміў іншым пасажырам пра пагрозу здзяйснення выбуху. Пра гэта паведамляецца ў зводцы МУС. Інцыдэнт здарыўся 12 снежня ў панядзелак на станцыі «Плошча Якуба Коласа».
Крымінальная справа заведзена ч.1 арт.340 КК РБ (загадзя ілжывае паведамленне аб рыхтаваным выбуху, падпале ці іншых дзеяннях, якія ствараюць небяспеку для жыцця і здароўя людзей, альбо прычынення шкоды ў буйным памеры, альбо наступлення iншых цяжкіх наступстваў). Згодна гэтага артыкула мужчыне пагражае да 5 гадоў турмы.
Нагадаем, што 11 красавіка 2011 года на станцыі метро «Кастрычніцкая» прагрымеў выбух. У выніку загінулі 15 чалавек, сотні атрымалі раненні. Вярхоўны суд прызнаў вінаватымі ў здзяйсненні тэракта Дзмітрыя Канавалава і Уладзіслава Кавалёва. Іх прысудзілі да расстрэлу.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце

Каментары