Мікіта Ліхавід на судзе 22 сакавіка 2011 года. Быў асуджаны на 3,5 года.
14 верасня Ліхавід быў вызвалены з Наваполацкай калоніі. З адбытага тэрміну Ліхавід правёў у карцары агулам 81 дзень.
Андрэй Пратасеня падчас суда 27 красавіка. Быў асуджаны на 3 гады пазбаўлення волі за ўдзел у дэманстрацыі 19 снежня 2010 года.
Успышкі фотакамер асвятляюць твар Андрэя Пратасені, якога 1 верасня вызвалілі з Бабруйскай калоніі.
Павел Вінаградаў падчас суда 27 красавіка. Быў асуджаны на 4 гады пазбаўлення волі за ўдзел у дэманстрацыі 19 снежня 2010 года.
Замест кратаў цяпер кветкі – 14 верасня Вінаградаў быў вызвалены з Івацэвіцкай калоніі "Воўчыя норы".
Сяргей Казакоў на судзе 10 мая. За ўдзел у пратэсце супраць фальсіфікацыі прэзідэнцкіх выбараў 2010 года быў асуджаны на 3 гады пазбаўлення волі.
Вызвалены Сяргей Казакоў на мінскім чыгуначным вакзале. 13 жніўня 2011 года.
Першы асуджаны па справах аб масавых беспарадках 19 снежня 2011 года Васіль Парфянкоў на судзе 17 лютага 2011 года. Быў асуджаны на 4 гады пазбаўлення волі ў калоніі строгага рэжыму.
13 жніўня Васіль Парфянкоў разам з пяццю іншымі палітвязнямі вызвалены з Аршанскай калоніі.
Алесь Кіркевіч на судзе 27 красавіка 2011 года. Суд прыгаварыў яго да чатырох гадоў пазбаўлення волі.
Першыя гадзіны на волі – вызвалены з Наваполацкай калоніі Алесь Кіркевіч, Мінск 2 верасня.
Павел Севярынец на судзе 11 мая 2011 года. Суд прыгаварыў яго да 3 гадоў абмежавання вол.
Павел Севярынец падчас адбыцця пакарання ў вёсцы Куплін Пружанскага раёну, 25 жніўня 2011 года.
Ад аўтара: Падборка гэтых фота — гэта дакумент эпохі, яе невялікага адрэзка. Эпохі змаганняў, арыштаў і катаванняў. Канцэпт тут адзін — чалавек да турмы і пасля, чалавек у фармальнай волі і пасля яшчэ фармальнейшай няволі. Але аспектаў тут мноства — як змяняецца чалавек падчас знаходжання ў няволі, як кожны з іх перажывае гэтую драму, як зафіксаваць гэты стан? Я фатаграфаваў фігурантаў справы «19 снежня» падчас суда і пасля вызвалення. Не ўсе трапілі, але не ўсе яшчэ і выйшлі… І ў гэтай гісторыі кропкі яшчэ няма — ёсць толькі прагал. І ён не менш важны.
