Бяляцкаму канчаткова адмовілі ў спатканні з бацькам, што знаходзіцца пры смерці 8

Як паведаміла жонка Бяляцкага Наталля Пінчук, Дэпартамент выканання пакаранняў (ДВП) МУС і суд Першамайскага раёна Мінска

адмовілі асуджанаму праваабаронцу Алесю Бяляцкаму ў спатканні з 82-гадовым бацькам, які знаходзіцца пры смерці.

20 снежня яна была на прыёме ў ДВП. «Я атрымала адказ, у якім гаворыцца: «Ваш зварот разгледжаны. У адпаведнасці з артыкулам 25 закона Беларусі аб парадку і ўмовах утрымання асоб пад вартай, асоба, якая ўтрымліваецца пад вартай, мае права на кантакты з абаронцамі, спатканне з блізкімі сваякамі і сябрамі сям’і ў адпаведнасці з заканадаўствам Рэспублікі Беларусь у прызначаных для гэтых мэтаў памяшканнях пад вартай. Іншага парадку прадастаўлення спаткання асобам, у дачыненні да якіх прысуд не ўступіў у законную сілу, не прадугледжана».

«Пасля гэтага я паехала ў суд.

У вуснай форме старшыня суда Тамара Высоцкая паведаміла мне, што яна не можа перарабіць дазвол на спатканне Бяляцкага з бацькам. Фактычна гэта азначае, што Бяляцкаму забаронена такое спатканне»,

 — сказала Пінчук.

Варта адзначыць, што 19 снежня гэты ж суд даў дазвол на спатканне Бяляцкага з бацькам. Аднак калі жонка праваабаронцы адвезла пісьмовае рашэнне суда ў СІЗА,

ёй заявілі, што паперы аформлены неналежным чынам. Акрамя таго, у адміністрацыі СІЗА заявілі, што ў іх няма магчымасці канваіраваць Бяляцкага ў Мінск і гарантаваць бяспекую.

naviny.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ