Згодна з прагнозам Рэспубліканскага гідраметэацэнтра, 27 снежня будзе воблачна з праясненнямі, часам невялікія дажджы. Вецер заходні 7—12 м/с, ноччу месцамі, раніцай і днём на большай частцы тэрыторыі парывы да 15—20 м/с. Тэмпература паветра ноччу ад 0°С па ўсходзе да +7°С па захадзе, днём +6—11°С.
У Мінску воблачна з праясненнямі, часам невялікі дождж. Вецер заходні 7—12 м/с, ноччу парывы да 14 м/с, днём да 15—20 м/с. Тэмпература паветра ноччу +3—5°С,
днём +8—10°С.
28 снежня па краіне пераменная воблачнасць. Пераважна без ападкаў, толькі ноччу па поўдні кароткачасовыя ападкі (дождж, мокры снег). Вецер заходні 5—10 м/с, ноччу па паўночна-ўсходняй палове краіны захаваюцца парывы да 15—20 м/с. Тэмпература паветра на працягу сутак -1 — +5°С.
29 снежня воблачна з праясненнямі. Месцамі невялікія ападкі (мокры снег, дождж). У асобных раёнах туман, слабы галалёд. Ноччу і раніцай на асобных участках дарог галалёдзіца. Вецер паўднёвы, паўднёва-заходні 4—9 м/с, днём парывы да 14 м/с. Тэмпература паветра ноччу -2 — +3°С, па ўсходзе да -5°С, днём 0 — +5°С.
***
Тэмпературны рэкорд для Мінска на 27 снежня складае 5,9 градуса цяпла (устаноўлены ў 1974 годзе). Самымі цёплымі днямі месяца ў сталіцы былі 5 і 6 снежня 1961 года (+10,3).
