14.02.2007 / 13:17

Віцебск: Маладафронтаўцаў затрымалі за налепкі і фарбу 1

Абодва хлопцы адмовіліся даваць пісьмовыя тлумачэньні пра тое, што яны рабілі ў цэнтры Віцебску такой парой.

На проcьбу затрыманых у Кастрычніцкі райадздзел міліцыі прыехаў праваабаронца Павал Левінаў. Ён распавёў, што двое віцебскіх студэнтаў, якія прасілі не называць іхныя прозьвішчы, былі дастаўленыя ў пастарунак каля 2‑й начы. У іх знайшлі налепкі, прысьвечаныя Дню сьвятога Валянціна, а таксама балёнчыкі з фарбай.

Абодва хлопцы адмовіліся даваць пісьмовыя тлумачэньні пра тое, што яны рабілі ў цэнтры Віцебску такой парой. А ў міліцыянтаў не ставала доказаў для канкрэтных абвінавачаньняў, бо ўсе балёнчыкі з фарбай аказаліся нераспачатымі. Таму іх вярнулі, а саміх хлопцаў а 6‑й раніцы адпусьцілі дахаты, так і не склаўшы пратаколаў пра затрыманьне. Аднак налепкі міліцыянты канфіскавалі.

0
"Цётка" / Адказаць
14.02.2007 / 18:09
што тут можна казаць, у нашай краiне улада баiцца, што моладзь пачне наляпляць усякiя лозунгi, якiя iм не спадабаюцца i з-за якiх людзi пачнуць хвалявацца. можна прама казаць, што свабоды слова, свабоды думак, свабоды деянняу мы пакуль што не дабилiся
Каб пакінуць каментар, калі ласка, актывуйце JavaScript у наладах свайго браўзеру