«2011 быў цяжкім. Было шмат страт і расчараванняў. Але ці маем мы права здавацца?» — піша Наталля Радзіна ў сваім акаўнце ў Фэйсбуку. Сайт Charter97.org застаецца недаступным пасля таго, як 29 і 30 снежня яго двойчы ўзломвалі.
Charter97.org — самы папулярны інфармацыйны сайт Белнэта. Штодзённа яго чытаюць у сярэднім са 110 тысяч камп’ютараў. Гэта ў 20 разоў большая аўдыторыя, чым мае галоўны рупар лукашэнкаўскай прапаганды — газета «Советская Белоруссія». «Хартыя» заваявала папулярнасць дзякуючы сваёй бескампраміснай крытычнасці да феадальнай дыктатуры, якая ўстанавілася ў Беларусі. Выдаўцы сайта вымушаны былі эміграваць з Беларусі пасля падзей Плошчы 2010 года, прычым Радзіна ўцякла
Атакі на сайт здараліся і раней, але ўпершыню хакеры здабылі пароль ад адміністратыўнай часткі сайта і размясцілі там брудны артыкул. Дзеянні хакераў падпадаюць пад міжнароднае заканадаўства аб кіберзлачыннасці.
