Падзяка кіраўніка дзяржавы аб'яўленая шэрагу прадстаўнікоў навукі, адукацыі, СМІ, заканадаўчай улады, аховы жывёльнага і расліннага свету і іншых сфер. Адпаведныя распараджэнні падпісаў Аляксандр Лукашэнка.
У прыватнасці, паводле інфармацыі прэс-службы кіраўніка дзяржавы,
падзякі ўдастоеныя работнікі Беларускага тэлеграфнага агенцтва -- генеральны дырэктар Дзмітрый Жук, вядучы рэдактар выдавецтва Андрэй Жыбуль. У ліку ўзнагароджаных супрацоўнікі Другога нацыянальнага тэлеканала -- карэспандэнт дырэкцыі інфармацыйнага вяшчання Аляксандр Злобін, аглядальнік палітычнай рэдакцыі інфармацыйнага вяшчання Святлана Кнутова.Гэтай узнагароды ўдастоены і галоўны рэдактар Іванаўскай раённай газеты "Чырвоная зорка" Анатоль Крэйдзіч.
Падзяка аб'яўленая таксама акадэміку-сакратару аддзялення гуманітарных навук і мастацтваў Нацыянальнай акадэміі навук Беларусі Аляксандру Каваленю, намесніку начальніка Мазырскай міжраённай інспекцыі аховы жывёльнага і расліннага свету Аляксандру Красюку, пастаяннаму паўнамоцнаму прадстаўніку Беларусі пры статутных і іншых органах СНД Васілю Пугачову і іншым.
0
0
0
0
0
0
