У Гомелі 12 студзеня затрыманыя старшыня абласной арганізацыі Аб’яднанай грамадзянскай партыі Васіль Палякоў і актывіст партыі Уладзімір Непомняшчых.

Як паведаміў Палякоў,

яны былі затрыманы прыкладна ў 15.30 супрацоўнікамі міліцэйскага спецназу каля рынка «Цэнтральны» ў момант распаўсюду інфармацыйных бюлетэняў «Голас розуму».

Апазіцыянераў даставілі ў АУС Цэнтральнага раёна Гомеля. У аддзеле на затрыманых склалі пратаколы па артыкуле 22.9 КаАП (парушэнне заканадаўства аб друку і іншых сродках масавай інфармацыі). У чым складалася парушэнне, апазіцыянерам пакуль не растлумачылі. Цяпер з імі разбіраецца начальнік аддзела аховы грамадскага парадку Уладзіслаў Шукель.

Артыкул 22.9 КаАП прадугледжвае пакаранне ў выглядзе штрафу ад 20 да 50 базавых велічынь.

Хочаш падзяліцца важнай інфармацыяй ананімна і канфідэнцыйна?