14.01.2012 / 13:44

14—15 студзеня ў Мінску праходзяць завяршальныя калядныя кірмашы 1

14—15 студзеня ў Мінску праходзяць завяршальныя калядныя кірмашы, паведамілі БелаПАН у прэс-службе Мінгарвыканкама.

Цэнтральны гарадскі кірмаш праходзіць з 9.00 да 16.00 каля Палаца спорту (пр. Пераможцаў, 4). У ім бяруць удзел перапрацоўчыя арганізацыі, прадпрыемствы-вытворцы, фермерскія гаспадаркі Магілёўскай вобласці. У гандлёвых павільёнах кірмашу пакупнікам будзе прадстаўлены шырокі асартымент тавараў і сельскагаспадарчай прадукцыі: мяса і мясныя паўфабрыкаты, каўбасныя вырабы і вэнджаніна, малочная прадукцыя, сыры, хлебабулачныя і кандытарскія вырабы, сажалкавая і азёрна-рачная рыба, а таксама сувеніры, падарункі і многае іншае па цэнах вытворцаў. Пакупнікоў чакаюць дэгустацыі, будуць працаваць прадпрыемствы грамадскага харчавання. Адбудзецца канцэрт калектываў мастацкай самадзейнасці.

Кірмашы таксама праходзяць у многіх раёнах горада: на пляцоўцы каля ўніверсама "Заводскі", каля кінатэатра "Салют" (пр. Ракасоўскага, 150а), каля ГЦ "Ля Кургана" (пр. Любімава, 26), каля дыспетчарскай станцыі "Дружная", на пляцоўках па бульвары Трактарабудаўнікоў, па вуліцы Русіянава, 1, каля Камароўскага рынку, на вуліцы Лынькова, 57, у ваенным гарадку Масюкоўшчына.

Хочаш падзяліцца важнай інфармацыяй ананімна і канфідэнцыйна?

0
gross / Адказаць
14.01.2012 / 14:25
ёлки на площадях и во дворах сейчас выглядят нелепо (мягко выражаясь)
Каб пакінуць каментар, калі ласка, актывуйце JavaScript у наладах свайго браўзеру