14.01.2012 / 15:09

Мікола Статкевіч этапаваны ў Магілёў 5

Зараз ён знаходзіцца ў турме № 4, паведамляе сайт statkevich.org

Нагадаем, што 26 мая 2011 года суд Ленінскага раёна Мінска прыгаварыў Мікалая Статкевіча да шасці гадоў пазбаўлення волі ў калоніі ўзмоцненага рэжыму. Суд прыйшоў да высновы, што менавіта Статкевіч разам з яшчэ адным кандыдатам у прэзідэнты, Дзмітрыем Усам, «рыхтавалі масавыя беспарадкі» і ўзначальвалі «бясчынствуючы натоўп» падчас шэсця па праспекце Незалежнасці 19 снежня 2010 года.

Пакаранне ён адбываў у шклоўскай калоніі № 17. 1

2 студзеня 2012 года Статкевічу зрабілі больш жорсткім пакаранне — яго перавялі (суддзя — Віталь Волкаў) на турэмны рэжым адбыцця пакарання тэрмінам на тры гады.

Прычынай больш жорсткага пакарання Статкевічу стала афіцыйнае прадстаўленне адміністрацыі шклоўскай калоніі, у якім сказана, што асуджаны палітык «не стаў на шлях выпраўлення», «да ўмоўна-датэрміновага вызвалення не імкнецца» і пасля адбывання пакарання мае намер «праводзіць злачынны спосаб жыцця».

Фармальнай прычынай для абвінавачання Статкевіча стала тое, што ён знаходзіўся без біркі з нумарам зняволенага на адзенні, а таксама не ўказаў у спісе асабістых рэчаў насоўк.

Сапраўднай прычынай больш жорсткага пакарання, мяркуе жонка палітыка Марына Адамовіч, стала прынцыповая пазіцыя Статкевіча, які не прызнае сябе вінаватым і не жадае звяртацца з просьбай аб памілаванні на імя прэзідэнта.

Апрача таго, мяркуе жонка Статкевіча, яму помсцяць за інфармацыю пра яго і ад яго імя, якая распаўсюджваецца ў СМІ.

Хочаш падзяліцца важнай інфармацыяй ананімна і канфідэнцыйна?

nn.by

0
выбор народа / Адказаць
14.01.2012 / 15:29
Свободу президенту Статкевичу!!!
0
Аматар портэра / Адказаць
14.01.2012 / 15:34
Свабоду Мiкалаю Статкевiчу!
0
Litwin-BIELARUS / Адказаць
14.01.2012 / 15:42
Nie douha ciarpec tabie zdziek,dy prymus ! Chutka pratschnecca sa snu Bielarus ! Adstauku rezschymu narod tady dasc, Pryzyu zahutschyc twoj dyktataru :<>!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру