14.01.2012 / 16:39

Міліцыя арыштавала 10 тысяч асобнікаў «Витебского курьера» — відэа 2

Мінулай ноччу супрацоўнікі ДАІ затрымалі машыну дырэктара «Витебского курьера» Віктара Рамнёва.

Паводле шэф-рэдактара газэты Вадзіма Баршчэўскага, машыну з накладам выданьня на дарозе адсочвалі:

«Спачатку затрымалі адну машыну, якой кіравала журналістка Юлія Канаплёва. Але газэты не знайшлі і склалі два пратаколы — за забруджаны нумар і нібыта пратэрмінаваны часовы талён.

Потым спынілі машыну Віктара Рамнёва, прычым

затрыманьне праводзілі супрацоўнікі ДАІ, але кіравалі іхнымі дзеяньнямі невядомыя асобы з „грамадзянскай“ машыны.
Аўтамабіль Віктара Рамнёва адправілі на штрафную стаянку, а наклад забралі».

Затрыманьне адбывалася на так званым «Варонаўскім кальцы» за 10 км ад Віцебску. Наклад машыны перавозілі з Смаленску, дзе «Витебский курьер» друкуецца — ён зарэгістраваны як расейскае друкаванае выданьне, але распаўсюджваецца ў Віцебску.

Верагодная прычына арышту накладу — матэрыял, прысьвечаны зьняволенаму старшыню Праваабарончага цэнтру «Вясна» Алесю Бяляцкаму.

Хочаш падзяліцца важнай інфармацыяй ананімна і канфідэнцыйна?

0
Злой! / Адказаць
14.01.2012 / 23:54
хватит это терпеть!!!
0
Юзік Крулеўскі / Адказаць
15.01.2012 / 12:40
Верагодная прычына арышту накладу — матэрыял, прысьвечаны зьняволенаму старшыню Праваабарончага цэнтру «Вясна» Алесю Бяляцкаму ================================================== Я, напрыклад, не ведаю аб чым зараз збіраецца пісаць "Савецкая Беларусія", ці "Веснік Глыбоччыны"... А тут ведаюць усе: і ДАІ і асобы ў машынах з грамадзянскімі нумарамі. У тым самім "Віцебскім кур'еры" завялося з тузін кратоў, якія зліваюць інфу! "Кур'еру" трэба ствараць службу уласнай бяспекі...
Каб пакінуць каментар, калі ласка, актывуйце JavaScript у наладах свайго браўзеру