14.01.2012 / 16:56

На Беларускім цэментавым заводзе ў Касцюковічах загінуў будаўнік 5

Рабочыя кажуць, што гэта ўжо сёмая смерць падчас будаўнічых прац на гэтым заводзе.

12 студзеня на Беларускім цэментавым заводзе (Касцюковічы, Магілёўская вобласць) пры правядзенні будаўнічых прац загінуў чалавек. Трагедыя здарылася апоўдні 12 студзеня.

Падчас будаўніцтва на заводзе новай вытворчай лініі аднаму з будаўнікоў на галаву звалілася дошка — на вышыні каля 40 м праходзіў дэмантаж апалубкі.
Пацярпелы — малады хлопец, жыхар горада Стоўбцы — памёр на месцы. У яго засталася жонка і маленькае дзіця.

Па інфармацыі крыніцы Tut.by, гэта ўжо сёмая (!) смерць падчас будаўнічых прац на гэтым заводзе. Так, каля 3 месяцаў назад абарваўся і зваліўся на зваршчыка груз крана. Загінулы, а таксама ахвяра цяперашняй трагедыі працавалі ў адной арганізацыі — ААТ «Упраўленне механізавання» № 88 г. Мінска, якая працуе на гэтым аб’екце паўтара года.

— Калі гэта спыніцца? На будоўлі гэтага заводу адбываецца проста хаос: ніякіх агароджаў, з

а ўвесь час прац ні разу не прыходзіў хто-небудзь са спецыялістаў па прамысловай бяспецы, не праводзілася праверка ўмоў працы, прытым што будаўнікі тут гінуць адзін за адным!
Колькі кіраўніцтва будзе замоўчваць сітуацыю?! — перажывае суразмоўца сайта. — Паўсюдная перапрацоўка, некаторыя працуюць па 12 гадзін 17, а то і 20 дзён запар! Будаўнікі самі ўжо не ў стане сачыць за бяспекай, чаму ніхто іх у гэтым не кантралюе? Кіраўніцтву галоўнае, каб праца была зроблена, а людзі гінуць, і нікому няма да гэтай справы!.."

У Касцюковіцкім РАУС пацвердзілі інфармацыю пра смерць будаўніка на Беларускім цэментавым заводзе 12 студзеня. Аднак паведаміць падрабязнасці не змаглі.

Хочаш падзяліцца важнай інфармацыяй ананімна і канфідэнцыйна?

0
Z / Адказаць
14.01.2012 / 17:43
и вот начерта эта Директива №1 была, если никто ее не выполняет. А спецов по охране труда управления по труду, занятости и соцзащите райисполкома вообще поганой метлой гнать и на эту будоулю. Пусть смыкают ряды павших, да простят меня погибшие...Светлая память
0
Крывіч / Адказаць
14.01.2012 / 19:17
Інжынера па бяспецы ў турму. Калі гэта і не запяспечыць поўную бяспеку, то выратуе 2-3 жыцьці.
0
месьцiч / Адказаць
14.01.2012 / 19:21
каб забясьпечыць усе меры бясьпекi трэба шмат грошай, а гэта выдаткi. некаторыя прылады бяспекi не маюць нават сертыфiкацыi на Беларусi i у нас нiхто iх не робiць ( Нават звычайная прылады для адваротнага удару у "рэзаку" трэба сэртыфiкаваць за такiя грошы што не хутка тое акупiцца (а каштуе дробязь (( ) I УСЕ ВАЛЮТА (( ТАМУ I НАЗIРАЛЬНIКАУ НЯМА! КАБ НЕ ЗАМIНАЛI ПРАЦАВАЦЬ
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру