Прэвентыўнае затрыманне маскоўскіх «дыгераў», пра які ГУУС Мінгарвыканкама адрапартавала напярэдадні Калядаў, можа перарасці ў грандыёзны скандал. Сваю версію падзей расказаў адзін з дэпартаваных.
«У вас рэальны дурдом. Мы проста гарэлкі папіць прыехалі…», — адзначае ён.
На здымках маладыя масквічы выглядаюць звычайнымі турыстамі
Нагадаем, 6 студзеня
— 2 студзеня 2012 года ў міліцыю Ленінскага раёна г. Мінска звярнуўся дырэктар аўтавакзала «Усходні» з заявай пра парушэнне грамадскага парадку групай грамадзян у гасцінічным комплексе аўтавакзала… П’яны дэбош учынілі трынаццаць грамадзян Расійскай Федэрацыі, так званыя дыгеры, г.зн. аматары наведваць падземныя камунікацыі.
Па інфармацыі ГУУС, «усе ўказаныя грамадзяне складаюцца ў расійскім нефармальным руху „ВОРОН“ (Вольны арганізаваны выведвальны атрад нефармалаў).
Мэтай іх прыбыцця ў Мінск з’яўлялася правядзенне несанкцыянаванага пранікнення і фотаздымання розных ахоўваемых аб’ектаў, размешчаных у беларускай сталіцы.У тым ліку і падземных аб’ектаў і станцый Мінскага метрапалітэна».
Пасля затрымання маскоўскія небаракі патрапілі пад адміністрацыйны арышт — атрымалі ад двух да дзесяці сутак. Па вызваленні іх дэпартавалі з краіны і на 5 гадоў забаранілі ўезд на тэрыторыю Беларусі.
Відавочна, што затрыманне «так званых дыгераў» было для мінскай міліцыі своеасаблівым рэваншам за скандал, які разгарэўся ў верасні 2011 года. Нагадаем, што вядомы блогер Віталь Раскалаў апублікаваў падборку фатаграфій «Забаронены Мінск» і распавёў, як яму атрымалася пракрасціся ў тунэлі мінскага метро.
Але паслянавагодняя гісторыя з прэвентыўным затрыманнем маскоўскіх «дыгераў» атрымала нечаканы працяг. Увечары 13 студзеня свой погляд на падзеі ў Мінску ў сваім дзённіку апісаў адзін з дэпартаваных, які хаваецца пад нікам 4ekist.
Як вынікае з апублікаванага тэксту, кампанія масквічоў адправілася ў Мінск зусім не для таго, каб пракрасціся ў ахоўваемыя месцы сталіцы, а з мэтай сустрэць Новы год.
У сталіцы Беларусі масквічы шпацыравалі па цэнтры і актыўна (з ужываннем алкаголю) адзначалі свята ў гасцініцы.Вось як апісвае наступныя падзеі адзін з «дыгераў».
«Мы вярнуліся ў нумар, сталі накрываць паляну, і тут у дзверы пастукалі…
— Хто там?
— Адкрывайце, міліцыя.
Я ўжо адкрываю дзверы, каб адказаць „Х…цыя“, і тут бачу перад сабой амбала ў камуфляжы з нашыўкай „Спецназ“ на грудзях, які бярэ мяне за каўнер і выводзіць ракам да сцяны, ногі паасобку, рукі на сцяну, {б’е} доўга па нырках. Вывелі ўсіх, правялі ператрус у пакоях, сказалі збірацца і далі яшчэ па нырках. Потым пагрузілі ў аўтобус, адвезлі ў РАУС там трымалі ў бамбары, пераробленым у актавую залу, паўночы. На ўсе пытанні адказвалі або „вы самі ведаеце“ або проста маўчалі. Потым павялі на допыты. На допытах задавалі дзіўныя пытанні. А потым папрасіў іх намякнуць у двух словах, што і як. Слядак намякнуў. І тут у мяне ўпала.
Аказваецца, яны лічаць нас злоснымі дыгерамі…»
Маскоўскія госці былі шакаваны такім паваротам падзей.
Блогер, які атрымаў 5 сутак арышту, піша, што
падчас адбыцця арышту яго і сяброў каля трох разоў у дзень «выклікалі даКДБ-шнікаў на допыты».
— Ужо ў Смаленску з мабільніка мы пачыталі, што пра нас пішуць і кажуць у навінах. Гоняць адкрытае фуфло, — падкрэслівае блогер.
У каментарах да паста выкладзены іншыя дэталі затрымання масквічоў. «Наша пасольства голас падало, калі яго штурхнуў тата аднаго хлопчыка на 4 дзень», — паведаміў 4ekist.
На шматлікія пытанні спачуваючых блогер адказаў: «Ды мы проста гарэлку піць паехалі, а нас спецназам…»
Дадамо, што якасць фатаграфій і месцы беларускай сталіцы, якія на іх захаваныя, сведчаць відавочна ў карысць версіі блогера.
На здымках маладыя масквічы выглядаюць звычайнымі турыстамі.
Аднак калі пагартаць блог 4ekist’а далей,
дзе-нідзе сустракаюцца здымкі з перагонаў маскоўскага метрапалітэна і з дахаў высотных дамоў.Гэта можа сведчыць пра тое, што малады чалавек насамрэч захапляўся дыгерствам.
Разам з тым да затрымання расійцаў застаюцца пытанні.
Прэзумпцыю невінаватасці ніхто не адмяняў —у Мінск яны маглі адпраўляцца і проста на адпачынак.
UPD. Блогер 4ekist выдаліў са свайго дзённіка ўсе запісы, датычныя яго ранейшых дыгерскіх прыгодаў.
