15.01.2012 / 11:24

Пад Мінскам перакуліўся турыстычны аўтобус з пасажырамі абноўлена 3

Кіроўца аўтобуса спяшаўся, бо неўзабаве мусіў адпраўляцца ў рэйс у Рыгу.

Яшчэ адно ДТЗ з удзелам турыстычнага аўтобуса адбылася ў суботу каля вёскі Лускова (Мінскі раён) на трасе Мінск—Калачы—Мядзел.

Фота МНС.

Фота МНС.

Фота МНС.

Фота МНС.

Па дадзеных Міністэрства па надзвычайных сітуацыях, 14 студзеня ў 19.48 ад дыспетчара хуткай медыцынскай дапамогі паступіла паведамленне аб ДТЗ з удзелам аўтобуса на аўтадарозе Р-58 Мінск -- Мядзел паблізу вёскі Лускова Папярнянскага сельсавета Мінскага раёна. Да месца ДТЗ неадкладна былі накіраваныя больш за 40 адзінак тэхнікі: МНС і брыгады хуткай медыцынскай дапамогі, паведамляе БелаПАН.

Па прыбыцці да месца выкліку першага падраздзялення МНС высветлена, што аўтобус МАЗ, кіруючыся па маршруце Паставы - Мінск, з'ехаў у кювет і перакуліўся набок. У аўтобусе знаходзіліся 44 чалавекі (42 пасажыры, адзін кіроўца, адзін экскурсавод), якія самастойна выбраліся з салона. Транспарт быў арандаваны для турыстычнай паездкі работнікаў аднаго са сталічных прадпрыемстваў і членаў іх сем'яў.

У бальніцы брыгадамі хуткай медыцынскай дапамогі, аўтамабілямі медыцынскай службы МНС былі дастаўленыя 34 пасажыры. Паводле інфармацыі, атрыманай ад медыкаў, шпіталізацыя спатрэбілася 19-ці пацярпелым, у тым ліку тром дзецям. Астатнія пасажыры адправіліся ў Мінск іншым аўтобусам прадпрыемства, якому належыць і пацярпелы аварыю МАЗ.

Расследаванне прычыны і акалічнасцяў ДТЗ праводзіць ДАІ Мінскага раёна.

Аўтобус вяртаўся з экскурсіі ў Паставы. Як паведаміў tio.by генеральны дырэктар пастаўскага «Цэнтра турыстычных паслуг» Ягор Шушкевіч, група сталічных турыстаў замовіла ў Паставах стандартную экскурсійную праграму. «У рамках турыстычнай праграмы для групы былі арганізаваныя экскурсійная паездка па горадзе і наведванне сядзібы Зюзі Паазерскага».

Як паведаміў парталу Auto.onliner.by адзін з пасажыраў, кіроўца аўтобуса спяшаўся, бо неўзабаве мусіў адпраўляцца ў рэйс у Рыгу. Ён ехаў з хуткасцю каля 80 км/г, і на адным са скрыжаванняў аўтобус занесла. Ён зваліўся ў кювет.

Нагадаем, што ўчора на Гродзеншчыне ў ДТЗ трапілі рэйсавы аўтобус і маршрутка, у абодвух выпадках пацярпелі пасажыры.

Складаная сітуацыя на дарогах захаваецца да канца выходных, паведамляюць сіноптыкі.

0
%%%% дураков растёт / Адказаць
15.01.2012 / 09:55
Это уже система, а не случайность. Слабый спрос с нарушителей да и права имеют ВСЕ кому не лень( многие с минимальным количеством извилин в голове). А страдают люди...
0
kozlabandit / Адказаць
15.01.2012 / 13:21
v4era dvigalsy po m1 na avto 4x4 pod 100 kmh. Skolzko bulo, no bez problem meny obognali dva turavtobusa. Edut oni vsegda s privusheniem ne smotry 4to vezut ludei.
0
Commenterrr)) / Адказаць
15.01.2012 / 16:24
Вельмі спачуваю, што так адбылося(( Спадзяюся, усё выжылі..
Каб пакінуць каментар, калі ласка, актывуйце JavaScript у наладах свайго браўзеру