Канькабежац Раман Дубовік стаў сярэбраным прызёрам I зімовых юнацкіх Алімпійскіх гульняў, якія адкрыліся 13 студзеня ў аўстрыйскім Інсбруку. Па выніках двух забегаў на дыстанцыі 500 м15-гадовы беларус паказаў вынік 1 хв.17, 824 сек.
Чэмпіёнам стаў кітайскі спартсмен Лю Ань (1 хв.15, 500 сек.), Бронза ў японца Тасіхіра Какуі (1 хв.17, 827 сек.), якога Раман Дубовік апярэдзіў усяго на 0,003 сек.
Беларусь на юнацкіх Гульнях у Інсбруку прадстаўляюць 16 атлетаў у васьмі відах спорту (сем дзяўчат і дзевяць юнакоў). Пры гэтым восем спартоўцаў прадстаўляюць Мінск, па тры чалавекі — Магілёўскую і Віцебскую вобласці, два — Гродзенскую вобласць.
І зімовыя юнацкія Алімпійскія гульні працягнуцца да 22 студзеня. Удзел у іх бяруць 1059 спартсменаў ва ўзросце ад 14 да 18 гадоў з 67 краін свету. Усяго будзе разыграна 63 камплекты медалёў у 15 відах спорту.
0
0
0
0
0
0