16.01.2012 / 14:34

БПЦ плануе ўстанавіць у Мінску помнік святой Сафіі Слуцкай 11

Беларуская праваслаўная царква плануе ўстанавіць у Мінску помнік святой праведнай Сафіі Слуцкай, паведамілі ў Беларускім Экзархаце.

Як паведамлялася, з нагоды 400-годдзя спачыну святой княгіні, што адзначаецца ў гэтым годзе, Святы Сінод БПЦ заснаваў ордэн святой праведнай Сафіі Слуцкай. У Экзархаце растлумачылі, што акрамя гэтага плануецца адкрыць помнік святой на тэрыторыі аднайменнага мінскага прыхода. Плануецца, што гэта адбудзецца ў пяты тыдзень Вялікага посту.

Таксама ў канцы красавіка — пачатку мая будуць праведзены Мінскія епархіяльныя чытанні «Святая праведная Сафія Слуцкая — абаронца праваслаўя». Будзе арганізаваны хрэсны ход з Мінска ў Слуцк, які, як плануецца, пачнецца 24 чэрвеня і прадоўжыцца 11 дзён. Да ўдзелу ў ім будуць запрошаны прадстаўнікі ўсіх епархій БПЦ. Акрамя таго, будзе выдадзены тэкст службы і акафіста святой Сафіі Слуцкай. У Экзархаце дадалі, што ў 2012 годзе запланаваны і выпуск памятнай манеты ў гонар святой Сафіі. Акрамя таго, плануецца яшчэ шэраг мерапрыемстваў з нагоды 400-годдзя спачыну святой Сафіі Слуцкай.

Хочаш падзяліцца важнай інфармацыяй ананімна і канфідэнцыйна?

0
Павел / Адказаць
16.01.2012 / 15:14
Да зачем все это? У БПЦ и так нет авторитета в обществе, лишний раз на смех подымут
0
Татьяна / Адказаць
16.01.2012 / 15:59
БПЦ не беларуская православная церква, это филиал РПЦ, а беларуская это Автокефальная Беларуская Православная Церковь.
0
Ranger / Адказаць
16.01.2012 / 16:01
Гэта ж піяр ход: - глядзіце, мы ня толькі агентам кдб помнікі будзем ставіць, а "вашым"!
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру