Фота Intex-press
Юбіляр быў вельмі ўзрушаны сустрэчай. Па словах аднаго з грамадскіх актывістаў Віктара Сырыцы, бацька вельмі перажывае за сына, якога цяпер пасадзілі ў карцар.
Віктар Статкевіч зачытаў гасцям ліст, які атрымаў ад сына 4 студзеня, паведамляе Еўрарадыё.
***
Нагадаем, што 26 мая 2011 года суд Ленінскага раёна Мінска прыгаварыў Мікалая Статкевіча да шасці гадоў пазбаўлення волі ў калоніі ўзмоцненага рэжыму. Суд прыйшоў да высновы, што менавіта Статкевіч разам з яшчэ адным кандыдатам у прэзідэнты, Дзмітрыем Усам, «рыхтавалі масавыя беспарадкі» і ўзначальвалі «бясчынствуючы натоўп» падчас шэсця па праспекце Незалежнасці 19 снежня 2010 года.
12 студзеня 2012 года Статкевічу зрабілі больш жорсткім пакаранне — яго перавялі (суддзя — Віталь Волкаў) на турэмны рэжым адбыцця пакарання тэрмінам на тры гады.
Прычынай больш жорсткага пакарання Статкевічу стала афіцыйнае прадстаўленне адміністрацыі шклоўскай калоніі, у якім сказана, што асуджаны палітык «не стаў на шлях выпраўлення», «да ўмоўна-датэрміновага вызвалення не імкнецца» і пасля адбывання пакарання мае намер «праводзіць злачынны спосаб жыцця».
