У аўторак на вуліцы Залатая Горка адбылася незвычайнае дарожна-транспартнае здарэнне. Пікап Mitsubishi рэзка збочыў з дарогі, пераадолеў бардзюр і, зачапіўшы правым бокам слуп, урэзаўся ў сцяну дома № 15. У гэтым доме, дарэчы, знаходзіцца кватэра экс-кандыдата ў прэзідэнты Алеся Міхалевіча.
Як паведаміў карэспандэнту «НН» на месцы здарэння супрацоўнік ДАІ, кіроўца джыпа страціў прытомнасць за рулём, што і прывяло да аварыі. У ДТЗ ён не пацярпеў.