27.01.2012 / 20:58

Для аховы АЭС створаць новую часць 5

Пра гэта заявіў камандуючы ўнутранымі войскамі МУС.

Мінск, 27 студзеня. «З'яўленне такога аб'екта (АЭС. — БелаПАН.) ускладае на ўнутраныя войскі Рэспублікі Беларусь дадатковыя задачы. Для аховы атамнай электрастанцыі будзе створана новая часць», — заявіў камандуючы ўнутранымі войскамі Валерый Гайдукевіч у інтэрв'ю, размешчаным на сайце Міністэрства ўнутраных спраў Беларусі.

«Немагчыма пераацаніць той вопыт, якім валодаюць нашы калегі-расіяне ў гэтай сферы. Мы зараз плануем абмен дэлегацыямі па ахове асабліва важных аб'ектаў для вучобы на вопыце ў калег па тэхнічных сродках аховы. Упэўнены, з дапамогай ведаў, набытых у Расіі, мы зможам на належным узроўні арганізаваць ахову АЭС», — сказаў Валерый Гайдукевіч.

Упершыню інфармацыя пра тое, што для аховы знешняга перыметру беларускай АЭС ва ўнутраных войсках МУС будзе створана новая часць, з'явілася ў канцы 2009 года. Летам 2010 года было аб'яўлена: брыгада па ахове асабліва важных аб'ектаў павінна быць створана ў 2014 годзе.

Варта зазначыць, што зараз, у перыяд падрыхтоўкі да будаўніцтва АЭС, рэалізуецца шэраг рашэнняў па яе ахове, у тым ліку з пункту гледжання выкарыстання самых сучасных узбраенняў беларускай арміі.

Хочаш падзяліцца важнай інфармацыяй ананімна і канфідэнцыйна?

0
Горкі / Адказаць
27.01.2012 / 21:40
Так іх і назвем "свецяшчыеся малчыкі". І сымвал часкі іх будзе двухгаловы воўк :)
0
Fast / Адказаць
27.01.2012 / 22:12
И сожрет эта новая часть половину денег из 10 млрд
0
Кнехт / Адказаць
27.01.2012 / 22:23
Для аховы АЭС створаць новую часць ======================== ПРА ШТО БАЛІЦЬ ГАЛАВА Для аховы АЭС створаць новую часць. Потым новую часць - на наўколле АЭС. А мы будзем на гэта злачынна маўчаць ці ўслаўляць "мазаічны маскальскі прагрэс". Каўбаса даражэе - вось баліць галава. А мо й не дажывем да "Чарнобыля-два"?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру