30.01.2012 / 15:55

«Баявы конь» Стывена Спілберга 1

Карціна, што намінуецца на «Оскара», у менскім пракаце.

Баявы конь (War Horse)

ЗША, 2011, каляровы, 146 хв.

Рэжысёр: Стывен Спілберг

Ролі выконваюць: Джэрэмі Ірвін, Пітэр Мулан, Эмілі Ўотсан, Нільс Арэструп, Дэйвід Цьюліс, Бенедэкт Камбербэтч, Селін Бакенс

Жанр: Гісторыка-эпічная ваенная меладрама паводле раману Майкла Марпурга

Адзнака: 6 (з 10)

Юны Альберт прывязаўся да каня Джоўі, якога бацька купіў на апошнія грошы. Калі пачалася Першая сусветная вайна, конь адправіўся на фронт. Альберт абяцаў, што знойдзе й выратуе свайго сябра.

Стужка Стывена Спілберга — каліграфічна-сентыментальны варыянт «Выратавання жаўнера Раяна» з кадрамі пад забытыя вэстэрны.
Жаўнер — конь, які пераходзіць ад арміі да арміі, перабягае праз лінію фронту, вязне ў калючым дроце й дэманструе цуды выжывання. Як здараецца ў дзіцячых фільмах Спілберга, дапамагаюць пакутніку людзі з чыстым сэрцам: ангельскі афіцэр, француская дзяўчынка, нямецкія браты, трагічна расстраляныя каля млыну.
Рэжысёр надзвычай далікатна абмінае ўсялякія кадры гвалту:
гаворыць сама прырода — пранізлівым сінім небам, залацістым жытам і ўзнёслай музыкай Джона Ўільямса. Прыгажосць, адцененая шырокім экранам, сутыкаецца з шэрымі дэкарацыямі акопаў і кулямётных кропак. Белы снег дорыць сустрэчу й спачуванне.
Стужка вылучаная на сёлетні «Оскар» у галоўнае намінацыі «Лепшы фільм» а таксама за свае візуальныя якасці, гук і музыку.

Цёмны рыцар гораду
Апошняя частка трылогіі Крыстафэра Нолана пра Бэтмэна
Марцін Скарсэзэ — «Захавальнік часу»
Стэрэаскапічная драма з Жоржам Мяльесам
0
Янка Дамавік / Адказаць
30.01.2012 / 16:12
Я ўжо тыдзень таму глядзеў. Добры фільм. Можа занадта сентыментальны, але дакладна варты таго, каб яго паглядзець.
Каб пакінуць каментар, калі ласка, актывуйце JavaScript у наладах свайго браўзеру