31.01.2012 / 21:15

У Маскве затрыманыя 49 чалавек з акцыі, у якой узялі ўдзел 100 грамадзян 3

Маскоўская паліцыя затрымала 49 чалавек за спробу правядзення несанкцыянаванай акцыі пратэсту на Трыўмфальнай плошчы ў Маскве, паведамілі ў галоўным упраўленні МУС Расеі па Маскве.

Як удакладнілі ў прэс-службе, затрыманыя былі дастаўленыя ў пастарункі для складання пратаколаў аб адміністрацыйным правапарушэнні па артыкуле «парушэнне правілаў правядзення мітынгаў і пікетаў».

Прадстаўнікі апазіцыі традыцыйна праводзяць мітынгі ў абарону 31-га артыкула расійскай канстытуцыі, якая гарантуе свабоду сходаў, кожны месяц, у якім ёсць 31-е.

Усяго, па дадзеных паліцыі, у акцыі ўдзельнічала каля 100 чалавек, асвятлялі яе 40 прадстаўнікоў СМІ.

Сярод затрыманых — лідэр незарэгістраванай партыі «Іншая Расія» Эдуард Лімонаў. Яго затрымалі адразу ж пасля таго, як ён прыйшоў на плошчу.

Затрыманнямі скончылася акцыя пратэсту і ў Санкт-Пецярбургу, дзе дэманстранты сабраліся каля Гасцінага двара.

0
dzjadulja / Адказаць
01.02.2012 / 00:11
У параўнальным зь Менскам маштабу: “У акцыі ўдзельнічала 10 чалавек, асьвятлялі яе 4 прадстаўніка СМІ, затрымана 5 чалавек.” Недзе так... пратэставая падзея...
0
бел / Адказаць
01.02.2012 / 11:13
Тут i параноуваць няма чаго, усё адзiн да аднаго: Яго затрымалі адразу ж пасля таго, як ён прыйшоў на плошчу. напамiнае што-небудзь?
0
геннадий / Адказаць
01.02.2012 / 12:11
в Беларусии апробвали цяпер можна и у рашэн
Каб пакінуць каментар, калі ласка, актывуйце JavaScript у наладах свайго браўзеру