01.02.2012 / 22:43

У Егіпце крывавыя бойкі заўзятараў: 74 чалавек загінулі абноўлена; дадаліся фота і відэа 8

Сотні пацярпелі.

Паліцыя Егіпта затрымала ў горадзе Порт-Саід 47 чалавек, якія падазраюцца ва ўдзеле і правакаванні масавай бойкі пасля футбольнага матчу, у якой загінулі, па апошніх звестак, 74 чалавек. Генеральны пракурор Егіпта Абдэль Магід Махмуд ужо вылецеў у Порт-Саід, каб агледзець стадыён, дзе адбыліся беспарадкі.

У выніку бойкі і цісканіны на стадыёне ў Порт-Саідзе пасля матчу нацыянальнага першынства паміж каірскай камандай «Аль-Ахлі» і мясцовым «Аль-Масры», па апошніх дадзеных, загінулі 74 і пацярпелі да тысячы чалавек. Заўзятары таксама збілі гульцоў і партугальскага трэнера «Аль-Ахлі».

Пры гэтым, па дадзеных некаторых егіпецкіх рэсурсаў, з-за здарэння на стадыёне сваёй пасады ўжо пазбавіўся губернатар правінцыі Порт-Саід.

Як паведамляе Reuters, у чацвер пройдзе экстраную нараду, прысвечаную падзеям у Порт-Саідзе, яго правядзе парламент Егіпту. Усе матчы нацыянальнага першынства па футболе прыпыненыя і адкладзеныя на нявызначаны тэрмін.

***

Як паведамлялася раней, заўзятары таксама падпалілі стадыён у Каіры пасля спынення матчу мясцовых каманд «Замалек» і «Ісмаіл». На кадрах жывой трансляцыі відаць, як гарыць адна з трыбун стадыёна. Суддзя быў вымушаны спыніць матч пасля таго, як з’явіліся навіны пра ахвяры ў беспарадках пасля матчу ў Порт-Саідзе.

У краіне абвешчана трохдзённая жалоба.

0
Yura / Адказаць
01.02.2012 / 23:02
Аллах Акбар!
0
sid / Адказаць
01.02.2012 / 23:13
А пры сп.Мубараку такое было? Нарабілі рэвалюцый...
0
О_о / Адказаць
01.02.2012 / 23:33
Для чертей самый лучший вариант правления - просвещенная диктатура вроде Мубарака или Бен Али. Скоро нынешние "сочувствующие" будут вспоминать их с ностальгией.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру