Мікіта Ліхавід пасля лукашэнкаўскай турмы.
Пачалася палеміка пасля таго, як былы палітвязень Мікіта Ліхавід даў сваю ацэнку ўчынку Андрэя Саннікава, які падпісаў прашэнне аб памілаванні на імя Лукашэнкі. Ліхавід адзначыў:
«Я лічу, што гэтага не трэба было рабіць, трэба было пакутавацьпа-чэснаму . Без сумневу, гэта вельмі моцна падарве яго палітычныя пазіцыі. Гэта тое, чаго і дамагаўся Лукашэнка: знішчыць яго як палітыка. У прынцыпе, ён [Лукашэнка] атрымаў тое, што хацеў».
Гэтае выказванне не спадабалася Ірыне Халіп, жонцы Саннікава. Спачатку яна выказала падзяку тым людзям, што яе падтрымлівалі, а потым не зусім прыемнымі словамі прайшлася па Ліхавіду і Дзмітрыю Усу.
«Я пагарджаю нешматлікім маркотным га.ом ў асобе аднаго смаркача, якога прыхапілі ў турму выпадкова, для масоўкі, і які трохі пасядзеў — без усякага ціску проста таму, што ён ні вышэйшай улады, ні спецслужбам не быў цікавы. Затое ўявіў, быццам юны ўзрост, як вайна, усё спіша — у крайнім выпадку мама па срацы адшлёпае.
І яшчэ аднаго прыдурка, які 19 снежня заклікаў «цікаць з плошчы», раніцай быў на свабодзе і асудзіў усіх нас у эфіры БТ, а цяпер заняты зборам подпісаў за змяненне нейкага там закона, які як не працаваў без зменаў, так не будзе працаваць і пры любых зменах. Зрэшты, усяго два ўбогія ўшлёпкі на фоне нармальна думаючай большасці — такі баланс выклікае аптымізм. Яшчэ раз усім дзякуй. Мы вытрымаем і выстаім«, — напісала Ірына Халіп.
Нагадаем, што ў ізалятары і калоніі 20-гадовы актывіст Руху за Свабоду Мікіта Ліхавід правёў 9 месяцаў. 81 дзень з якіх ён знаходзіўся ў штрафным ізалятары за тое, што адмаўляўся прызнаваць сябе асуджаным.
«Хтосьці, відаць, вырашыў, што яны «правільныя», а мы — не. Яны эліта, а мы ўсяго толькі шэрая маса, якая нікога не цікавіць і цікавіць можа толькі ў медыцынскіх мэтах. Ім дазволена, а нам не», — адкаментаваў гэта Мікіта Ліхавід на сваёй старонцы ў фэйсбуку.
«Мне шчыра шкада, што ўлада азвярэла ад страху, здзекуючыся з выбітных людзей. Але яшчэ больш мяне шакуе ўзровень некаторых прадстаўніц так званай эліты. Калі апанент апускаецца да стану дворніка, лепш прамаўчаць, інакш паміж намі не ўбачаць розніцы», — лічыць Ліхавід.
Ліхавід не верыць, што да Саннікава ўжывалі фізічныя метады ўздзеяння.
Напрыканцы Мікіта выказаўся, што з радасцю б памяняўся месцамі з палітзняволенымі.
