03.02.2012 / 17:02

2-я гарадская клінічная бальніца Мінска пераехала ў новы будынак 2

Яна будзе знаходзіцца цяпер па адрасе Энгельса, 25.

Бальніца разлічана на 400 месцаў. Стацыянар складаецца з двух- і трохмесных палат, у кожнай з якіх ёсць санвузел. Клініка аснашчана самым сучасным медыцынскім абсталяваннем, у тым ліку камп’ютарным і магнітарэзанансным тамографамі.

У лістападзе 2011 года ў новабудоўлю на вуліцы Энгельса пераехалі гастраэнтаралагічнае, неўралагічнае, пульманалагічнае і рэўматалагічнае аддзяленні. Цяпер завершаны пераезд усіх іншых аддзяленняў.

Акрамя таго, на плошчах клінікі працуе гарадскі кардыялагічны цэнтр, які ўвайшоў у яе структуру ў студзені 2012 года.

Нагадаем, участак, дзе раней размяшчалася 2-я бальніца, прададзены інвестарам. Згодна з ўказам прэзідэнта № 93 дзяржаўны генеральны рэзервовы фонд Амана ў асобе створанага ім у Беларусі ЗТАА «Арол Прапетыз чатыры» атрымаў ва ўласнасць участак у Мінску плошчай 2,6 га ў межах вуліц Янкі Купалы — Максіма Багдановіча — ракі Свіслач у прыватную ўласнасць без правядзення аўкцыёну за 10 млн. долараў для будаўніцтва шматфункцыянальнага комплексу. На гэтым участку таксама размешчаны будынак «Белэкспа».

0
патрыет / Адказаць
03.02.2012 / 17:38
а што з будынкамі кляштара бернардынцаў? таксама прадалі інвестарам? айда ламаць гісторыю і спадчыну
0
SlaDa / Адказаць
03.02.2012 / 21:42
шпіталь быў жудасны - не пашанціла там ляжаць, адзкі. а пераехаў выпадкова не ў лечкамісію? там здорава)) ну а тое, што горад чужынцам распрадаюць - гэта кепска, факт.
Каб пакінуць каментар, калі ласка, актывуйце JavaScript у наладах свайго браўзеру