Спынена крымінальная справа ў дачыненні да барысаўчан Аляксандра Малчанава і Андрэя Мікалаеўскага, якіх падазравалі ў абразе дзяржаўнага сцягу ў кастрычніку 2011 года ў цэнтры Барысава.
Крымінальная справа па артыкуле 370 Крымінальнага кодэкса Рэспублікі Беларусь «Здзек з дзяржаўных сімвалаў была спынена з-за недахопу доказаў.
Былы палітвязень Аляксандр Малчанаў і яго сябар Андрэй Мікалаеўскі трапілі пад пераслед міліцыі пасля таго, як 26 кастрычніка ў цэнтры Барысава былі залітыя фарбай чырвона-зялёныя сцягі.
У ноч на 27-га кастрычніка ў доме Аляксандра Малчанава прайшоў ператрус, падчас якога супрацоўнікі міліцыі шукалі забароненую нацыянальную сімволіку і канфіскавалі камп’ютар. Аляксандр быў затрыманы. Хоць міліцыя не знайшла ніякіх фармальных доказаў, яго ўсё ж нейтралізавалі. 27 кастрычніка суд Барысаўскага раёна судзіў яго па артыкуле 23.4 КоАП РБ, пакараўшы адміністрацыйным арыштам на 10 сутак. Па заканчэнні гэтага тэрміну яго яшчэ трое сутак трымалі пад вартай па крымінальнай справе. Увечары гэтага дня з санкцыі пракурора ў яго хаце быў праведзены другі ператрус. 27 кастрычніка адбыліся і на кватэры ў Андрэя Мікалаеўскага.
Нагадаем, Аляксандр Малчанаў за ўдзел у падзеях 19 снежня 2010 быў асуджаны на 3 гады пазбаўлення волі ў калоніі ўзмоцненага рэжыму. Адбываў пакаранне ў Магілёве. 14 верасня вызвалены згодна з указам Лукашэнкі аб памілаванні.
spring96.org
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
