11.02.2012 / 13:35

«За дранікі замежнікі гатовы размаўляць на беларускай мове» 32

У Амерыцы беларускі студэнт Антось Трафімовіч пачаставаў замежнікаў дранікамі ўласнага прыгатавання. Што з гэтага атрымалася?

БеларусІнвест: за дранікі замежнікі гатовы размаўляць на беларускай мове

Гэта каштавала мне 81 даляр — грошы на прадукты для дранікаў і друк фотак выхадцаў з Беларусі — каб праз 30 хвілін пасля прэзентацыі аб Беларусі, кітайская студэнтка сказала «дзякуй». Па-беларуску.

Уклаўшы 81 даляр, я атрымаў 109 замежнікаў, якія ведаюць што такое Беларусь, правільна вымаўляюць па-ангельску Belarusian, могуць сказаць «вітаю» і «пакуль», ведаюць што такое дранікі і клёцкі, ведаюць, што беларусы — гэта далёка не рускія.

За 81 даляр 109 замежнікаў ведаюць, што Беларусь — ці не найпрыгажэйшая краіна Еўропы, што хоць у нас і няма гор, тут можна заблукаць у лесе, гойсаць на ровары па вясковых дарогах, катацца на конях ўзімку.

81 даляр — і кожны з 109 замежнікаў ведае, што Беларусь — гэта краіна, дзе выхаваліся Шагал і Малевіч, што выхадцы з гэтай краіны змянілі гісторыю Амерыкі ды ўсяго свету.

81 даляр, патрачаны на бульбу, цыбулю, грыбы і фарш — і 109 замежнікаў ведаюць смак беларускіх страваў, і кажуць «дэлішас», і пытаюць ці можна гэта пакаштаваць у рэстарацыі ў любым горадзе Беларусі, і, нарэшце, як атрымаць візу ў Беларусь.

Ідзіце лесам тыя, хто кажа што ў Беларусі няма чаго рабіць і што ніхто туды ніколі не паедзе. І што савок нікому не цікавы, і што лепш бы беларусам самім з’ехаць з Беларусі.

Праз паўгадзіны прэзентацыі і 81 даляр на вашае месца згодны прыехаць любы са 109 замежнікаў.

Антось Трафімовіч, з Facebook

Хочаш падзяліцца важнай інфармацыяй ананімна і канфідэнцыйна?

0
Алень / Адказаць
11.02.2012 / 13:38
Дакладна такія ж дранікі (толькі пацёртныя на большую цёрку) з бульбы лічаць сваімі "нацыянальнымі" швэды. Толькі ядуць іх не з малаком ці сьметанай, а з бруснічным сочывам.
0
Кнехт / Адказаць
11.02.2012 / 13:44
З замежнікамі лёгка абыйшліся. З беларусамі патраціліся б яшчэ і на гарэлку. А галоўнае, напрыканцы атрымалі б па твары за тое, што размаўлялі з імі на незразумелай мове. :)
0
Юзік / Адказаць
11.02.2012 / 14:10
2 Кнехт Па мордзе б'юць не з-за мовы. Магчыма з мордай нешта не так.
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру