Камітэт па манетарнай палітыцы Нацыянальнага банка прыняў рашэнне аб зніжэнні з 15 лютага працэнтных ставак па аперацыях падтрымкі ліквіднасці.
Працэнтныя стаўкі па пастаянна даступных і двухбаковых аперацыях падтрымкі ліквіднасці зніжаны з 70% да 68% гадавых.
Як паведамляе ўпраўленне інфармацыі Нацбанка, гэта мера абумоўлена «запавольваннем інфляцыйных працэсаў, стабілізацыяй сітуацыі на валютным рынку і скіравана на зніжэнне ваганняў кароткатэрміновых ставак грашовага рынку».
Нагадаем таксама, што Нацбанк прыняў рашэнне аб зніжэнні стаўкі рэфінансавання з 15 лютага з 45% да 43% працэнтаў гадавых.
Апошні раз стаўкі па інструментах падтрымкі ліквіднасці банкаў павышаліся 12 снежня 2011 года — з 65% да 70% гадавых.
0
0
0
0
0
0