Дэвальвацыі беларускага рубля і скачка цэнаў больш не будзе. Аб гэтым заявіў сёння кіраўнік Адміністрацыі прэзідэнта Уладзімір Макей падчас наведвання ААТ «Баранавічхлебапрадукт» і гутаркі з работнікамі прадпрыемства, паведамляе БелТА.
«Дзяржава імкнецца падтрымаць людзей, але гэта не значыць, што на выплату заробкаў будуць укідвацца эмісійныя грошы Мы ўжо навучаныя горкім вопытам, — сказаў Уладзімір Макей. — Сярод шэрагу іншых прычын эмісійныя грошы ў тым ліку былі прычынай таго, што ў нас адбылася дэвальвацыя рубля і падскочылі цэны. Больш такога не будзе».
Па словах кіраўніка Адміністрацыі, «праблема заробкаў і цэнаў будзе пакрысе сыходзіць».
Нагадаем, учора ў Баранавічах на заводзе «Атлант» рабочыя ставілі перад адміністрацыяй пытанне заробкаў.
