Пераможца «Еўрафэсту» Алёна Ланская і старшыня журы Аляксандр Ціхановіч.
Як стала вядома Tut.by з крыніц у Белтэлерадыёкампаніі,
у сувязі з неадназначнымі рэакцыямі на вынікі праведзенага 14 лютага фіналу Нацыянальнага тэлевізійнага музычнага праекта «Еўрафэст» Лукашэнка стварыў адмысловую камісію,якой даручана дэталёва разабрацца ў тым, наколькі аб’ектыўна быў вызначаны пераможца гэтага конкурсу.
У камісію ўваходзяць прадстаўнікі розных міністэрстваў і ведамстваў, у тым ліку і спецыялісты па абароне інфармацыі. Свае высновы камісія павінна паведаміць Лукашэнку цягам бліжэйшых дзён.
У прадпрыемстве «Белтэлекам», якое забяспечвала тэлефоннае галасаванне гледачоў, каментаваць сітуацыю адмовіліся.
Нагадаем, што пераможцай Еўрафэсту абралі заслужаную артыстку Беларусі, пераможцу «Славянскага базару» Алену Ланскую.
Следам за Віцебскай вобласцю і магілёўцы апублікавалі ў Фэйсбуку сведчанні пра адмінрэсурс, задзейнічаны на карысць Ланской.
Звычайна такая маштабная кампанія ідэалагічнай вертыкаллю праводзіцца толькі тады, калі на тое ёсць воля з цэнтра. Гаварылі, што выступ Ланской на «Славянскім базары» спадабаўся асабіста Аляксандру Лукашэнку.
Маладой спявачцы прысвоілі высокае званне «Заслужанай артысткі Рэспублікі Беларусь».
Між тым, паводле звестак лідара гурту Litesound Дзмітрыя Каракіна, перамагалі яны — і паводле вынікаў глядацкага галасавання, і паводле ацэнак журы. Але, кажа ён, пераможцам абвесцілі Ланскую.
«Выявілася, што маё абурэнне было цалкам апраўданым, — сказаў музыка ў інтэрв’ю «Беларускім навінам». —
З трох вельмі надзейных крыніц — ад людзей, якія знаходзіліся ў цэнтры падзей — я даведаўся, што мы перамаглі і па глядацкім галасаванні, і па галасаванні журы. У нас быў 101 бал, у Ланской — 96».
Дзмітрый Каракін звярнуў увагу на вялікую падтрымку яго гурту з боку гледачоў, якая скандавала «Litesound» і падчас абвяшчэння вынікаў конкурсу, і нават пасля шоу — у гардэробе.
«Калі б Ланскую, як нас, падтрымлівала зала, я б не адчуваў такой несправядлівасці.
Публіка была абураная, засмучаная, мы бачылі слёзы на вачах у людзей —і зусім не ад шчасця за перамогу Ланской», — распавёў лідар Litesound.
Ён таксама адзначыў, што, нягледзячы на адміністратыўныя спосабы прасоўвання Алёны Ланской, падтрымка публікі ўсё ж усяляла ў хлопцаў надзею на ўласную перамогу.
«Крыўдна, што ў нас усё робіцца праз грошы, сэкс і ўсё такое.Можа быць, так ва ўсім свеце, і гэта нармальна, але калі гэта робіцца настолькі відавочна, становіцца агідна, — абураецца Каракін. —
На месцы Ланской, якая бачыла, як нас падтрымлівалі гледачы, я б адмовіўся на карысць Litesound,каб не адчуваць гэтай ганьбы».
Па словах лідэра гурта Litesound, пасля абвяшчэння вынікаў за кулісамі групу падтрымалі іншыя фіналісты конкурсу, якім таксама «было крыўдна».
«Яны разумелі, хто такая Ланская. У чалавека ёсць усе прывілеі, яна можа заязджаць за шлагбаўм на «Мерсэдэсе», хоць астатнія ідуць пешкі,бо не могуць паставіць машыну побач з Палацам спорту. Усё гэта адчуваецца ў дробязе. Усе разумелі, што яна перамагла несумленна», — адзначыў Каракін.
Разумее і падтрымлівае Дзмітрый і рэакцыю Гюнэш, якая зусім не выйшла на сцэну: «Яна зрабіла гэтак жа, як і я, бо
немагчыма было знаходзіцца на сцэне і згаджацца з фальсіфікаванымі вынікамі».
Сам выступ канкурсантаў, дзеля якога, уласна, і праводзіўся «Еўрафэст», заняў паўгадзіны.
Склалася ўражанне, што
перамога ніяк не ўразіла Ланскую — такі спакой захоўвала спявачка падчас абвяшчэння.Ці гэта была ўпэўненасць у выніку галасавання?
Прадзюсар Ланской — Аляксандр Шакуцін, які ўваходзіць у дзясятку найбагацейшых людзей краіны.Гюнэш Абасава на сваю паразу таксама рэагавала эмацыйна: даведаўшыся пра сваё трэцяе месца, адразу з’ехала, так і не з’явілася на сцэне ў фінале. Яе песня глядзелася выйгрышна. Многія чакалі яе перамогі. Менавіта Гюнэш і «Лайтсаунд» выходзілі на першыя месцы ў многіх
сам факт, што яна азербайджанскага паходжання, даваў ёй дадатковыя шанцы ў Баку.
— Што я магу сказаць? Я ж не вінаватая, што яны сябе так паводзяць. Разумееце, гэта асабістая справа кожнага, — сказала Алена Ланская «Комсомольскай правде», як толькі спусцілася са сцэны.
Закрываў «Еўрафэст» міністр культуры Павал Латушка — на дзвюх мовах: англійскай і беларускай.
Менавіта міністр культуры можа аказацца «вінаватым», калі акажацца, што нешта пярэчыла правілам.Хоць нават дзеці разумеюць, што не міністр культуры ў нашай краіне вырашае такія пытанні.
