17.02.2012 / 12:08

Моладзь раздавала «Хрэн вам ад прэзідэнта» на Камароўцы дадалося відэа 39

Большасць шарахалася ў страху і слоікаў не брала.

Фота Юліі Дарашкевіч.

Фота «Народнай волі».

Апоўдні ў пятніцу каля Камароўскага рынка ў Мінску прайшла дзёрзкая акцыя «Хрэн вам ад прэзідэнта». Яе зладзіла моладзь з арганізацыі «Змена», што арганізавалася пры кампаніі «Гавары праўду».

Двое маладых людзей, начапіўшы маскі з выявай Лукашэнкі, раздавалі мінакам слоікі з хрэнам.

Акцыя скончылася, здаецца, без затрыманняў. Зазначым, што большасць людзей шарахалася ў страху і слоікаў не брала, меншая частка ўсё ж брала халяўны хрэн.

Сутнасць акцыі юнакі патлумачылі сваім крытычным стаўленнем да вынікаў 18-гадовага кіравання Аляксандра Лукашэнкі:

«Чаму хрэн? Бо гэта адказ на піяр-акцыі Лукашэнкі. Заробак у 500 баксаў? Хрэн вам! Адпусціць палітвязняў? Хрэн вам. Вярнуць ільготы? Хрэн вам».

Нагадаем, што ў мінулую пятніцу, 10 лютага, моладзь кампаніі «Гавары праўду» правяла яркую акцыю на плошчы Незалежнасці ў Мінску.

На клумбе каля аўтобуснага прыпынку яны пасадзілі мяккія цацкі з плакатамі ў руках. Цацачныя мядзведзікі і сабачкі патрабавалі свабоду прэсы, вызвалення палітвязняў і нават ШОС.

НШ

0
любитель / Адказаць
17.02.2012 / 12:10
а можно фото?????
0
Зласьлівец / Адказаць
17.02.2012 / 12:28
Трэба было вібратары раздаваць -хутка разабралі б
0
самМiколка / Адказаць
17.02.2012 / 13:41
А дзе можна такую шкляначку набыць, вельмi спадабалася?
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру