01.03.2007 / 12:18

Навумаў пакуль ня ведае, ці паляціць у Нью‑Ёрк 2

"Проста ў мяне ёсьць варыянт яшчэ адной камандзіроўкі на 4 сакавіка і пакуль няма яснасьці, куды канкрэтна мяне адправяць".

Міністар унутраных спраў Уладзімер Навумаў правёў сёньня прэс‑канфэрэнцыю з нагоды 90‑годзьдзя беларускай міліцыі. Спадар Навумаў сярод іншага заявіў, што пакуль ня ведае, ці паляціць 4 сакавіка у Нью‑Ёрк, як паведамлялася раней. «Проста ў мяне ёсьць варыянт яшчэ адной камандзіроўкі на 4 сакавіка і пакуль няма яснасьці, куды канкрэтна мяне адправяць. Што асабіста да мяне, то другая камандзіроўка нават падаецца больш важнай», — заявіў міністар унутраных справаў. Найхутчэй, у другім выпадку гаворка вядзецца пра ўрадавы візыт у ААЭ. Навумаў так і не расказаў, як яму ўдалося атрымаць амэрыканскую візу і ці былі з гэтым нейкія праблемы.

Навумаў адмовіўся камэнтаваць пашырэньне сьпісу неўязных беларускіх чыноўнікаў дзяржаўным дэпартамэнтам ЗША.

Таксама Навумаў расказаў, што сёлета міліцыя будзе скарочаная на 2000 чалавек. Такую прапанову зрабіла само міністэрства. Скарачацца ў асноўным будуць абласныя падразьдзяленьні, якія не займаюцца непасрэдна барацьбой са злачыннасьцю.

Навумаў кажа, што для яго абсалютна непрынцыпова, як будзе называцца яго ведамства міліцыя ці паліцыя, але «на наступныя 30 гадоў лічу некарэктным ставіць гэтае пытаньне, бо ў нас яшчэ засталіся вэтэраны вайны».

Летась да крымінальнай адказнасьці было прыцягнута больш за 200 міліцыянтаў, каля 150 былі асуджаныя да турэмнага зьняволеньня. Навумаў сказаў, што ініцыятыва МУС аб забароне расьпіцьця сьпіртных напояў у грамадзкіх месцах не была падтрыманая, але не ўдакладніў, кім менавіта. У Беларусі найбольш высокі сярод суседніх краін працэнт раскрыцьця асабліва цяжкіх злачынстваў – 95%, але самы малы па крадзяжах – каля 40%.

Што да самога сьвята, то Навумаў сказаў, што ня любіць ніякія сьвяты. «У любы сьвяточны дзень я думаю: хутчэй бы будзёны дзень, каб адпачыць».

Фота Андрэя Лянкевіча

Зьміцер Панкавец

0
Radykal / Адказаць
01.03.2007 / 14:25
“У нядзелю я палячу туды, куды Радзіма накіруе”, -- сказаў у гэтым зьвязку Уладзімер Навумаў журналістам. Даведка: Наумов Владимир Владимирович родился в 1956 году в г.Смоленск (Россия). Крыніца: БЕЛТА http://www.belta.by/ru/person/min?id=56217
0
/ / Адказаць
01.03.2007 / 16:11
Бог шельму метит
Каб пакінуць каментар, калі ласка, актывуйце JavaScript у наладах свайго браўзеру