25.02.2012 / 14:19

Выбарачная памяць касманаўта Кавалёнка 34

Касманаўт Кавалёнак выбраў Расію, а не Беларусь.

Нашыўка РОА.

Касманаўт Уладзімер Кавалёнак, які некалі ўносіў бел-чырвона-белы сцяг у Вярхоўны Савет, у інтэрв’ю радыё «Свабода» сказаў, што лічыць тое памылкай. Маўляў ён не ведаў тады, «што пад гэтым чырвона-белым сцягам у Менску сустракалі фашызм».

Памылкі выпраўляць амаль ніколі не позна, таму хацелася б расплюшчыць вочы цяперашняму прэзідэнту Федэрацыі касманаўтыкі Расеі:
нацыянальныя сцягі выкарыстоўвалі пад нямецкай акупацыяй не толькі ў Беларусі, але шмат у якіх іншых краінах Еўразіі.

​​

Напрыклад, цяперашнія дзяржаўныя колеры Расеі, пад якімі месціцца партрэт Уладзімера Кавалёнка на сайце расійскай Федэрацыі касманаўтыкі, выкарыстоўвалі вайскоўцы РОА (Русской освободительной армии).

Калі ў спадара Кавалёнка гэткая алергія на ўсё «фашысцкае», дык трэба як мага хутчэй сыходзіць з пасады, а лепей увогуле з’язджаць з Масквы. Каб пасля не давялося зноў казаць «я, да свайго вялікага сораму, не ведаў».

Хочаш падзяліцца важнай інфармацыяй ананімна і канфідэнцыйна?

0
Anatol Starkou / Адказаць
25.02.2012 / 14:29
"нацыянальныя сцягі выкарыстоўвалі пад нямецкай акупацыяй не толькі ў Беларусі" АЛЕ ТОЛЬКІ Ў БЕЛАРУСАЎ ЁСЦЬ БЕЛАРУСКІ МЕНТАЛІТЭТ - гэта значыць свае асабістыя адносіны да той ці іншай падзеі ў ubcnjhsb сваёй нацыі
0
Кнехт / Адказаць
25.02.2012 / 14:32
Калі яму было чытаць і думаць пра гісторыю свайго народа - ён ўсё жыццё чытаў інструкцыі і баяўся, каб не выйсці, па старой памяці, на двор "па-вялікаму" з арбітальнай станцыі. :)
0
Anatol Starkou / Адказаць
25.02.2012 / 14:37
АЛЕ ТОЛЬКІ Ў БЕЛАРУСАЎ ЁСЦЬ БЕЛАРУСКІ МЕНТАЛІТЭТ - гэта значыць свае асабістыя адносіны да той ці іншай падзеі ў гісторыі сваёй нацыі прабачце
Паказаць усе каментары/ 34 /
Каб пакінуць каментар, калі ласка, актывуйце JavaScript у наладах свайго браўзеру