25.02.2012 / 23:10

Рыгор Шэрда. Вясновы далягляд 6

Рэфлексія на метэаралагічную тэму.

Якое шчасце? Дзе той лад?
Працуй -- пацей, Анёл-ахоўнік!
З краіны робячы штрафбат,
Тлусцее выскачка-чыноўнік...

Мацёры карупцыянер
Тут мае лютыя працэнты,
Хоць быў агучаны намер
Разбіць карупцыю дашчэнту...

Здаровы сэнс пад карані
Сякуць "апошнія навіны",
Бо колькі зграю ні кармі,
Ёй люба кіраваць краінай...

Пад пазалотай -- хам і кат,
Хвалько і невук, хлус і злодзей.
Ды страціў ён шляхі назад:
Вясна цалуе далягляд,
Запахла зменамі ў прыродзе...

0
Кнехт / Адказаць
26.02.2012 / 08:59
Вясна цалуе далягляд, Запахла зменамі ў прыродзе... ====================== П.Н. Паэт не скажа. Я б дадаў: Вясна пакажа, хто дзе с*аў! ;)
0
Р. Ш. / Адказаць
26.02.2012 / 12:08
2 Кнехт Чаму ж не скажа... Адліга ліжа снег старанна, Зіма губляе прыгажосць. Вясна пакажа, дзе нас..на! Так, ёсць на свеце праўда! Ёсць!
0
Кнехт / Адказаць
26.02.2012 / 12:51
2 Р. Ш. Дзякуй. :) Заўжды чытаю, аналізую і каментую Вашыя вершы. Мне яны падабаюцца за якасць формы і грамадзянскасць зместу. Раскажыце пра сябе што-небудзь "не сакрэтнае". ;)
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру