05.03.2012 / 14:20

Вінаградава вызвалілі абноўлена 14:19 3

Пратакол адправілі на дапрацоўку.

Пратакол затрымання вярнулі ў міліцыю Маскоўскага раёна Мінску. Ён быццам бы складзены неадпаведным чынам. Амаль трое сутак Павал Вінаградаў адседзеў на Акрэсціна, але разгляд ягонай справы будзе праз некалькі дзён, калі пратакол вернецца з Маскоўскага РУУСа.

Пратакол вярнулі, бо ён быццам бы складзены неадпаведным чынам. Трое сутак Павал Вінаградаў адседзеў дадаткова на Акрэсціна.

У пятніцу, 2 сакавіка, Павел меўся выйсці з Цэнтра ізаляцыі правапарушальнікаў на Акрэсціна, але сваякі і калегі дарэмна чакалі яго пад сценамі. Вінаградаў так і не выйшаў, а пасля 21-й гадзіны жонцы Паўла Святлане патэлефанаваў міліцыянер, які сказаў, што муж затрыманы супрацоўнікамі Маскоўскага РУУС нібыта за праварушэнне і вернуты на Акрэсціна. Выходныя Павел правёў у Цэнтры ізаляцыі правапарушальнікаў.

Святлана Вінаградава выказала ў пятніцу меркаванне, што затрыманне было зроблена спецыяльна, каб у мужа з'явілася трэцяе парушэнне, што прывядзе да больш жорсткага рэжыму.

У пятніцу іншы суарганізатар акцыі пратэсту пллюшавых Аляксандр Арцыбашаў атрымаў дадатковыя 7 сутак да адседжаных з 21 лютага 10 сутак.

***

Павел Вінаградаў — былы палітвязень. Ён быў асуджаны за акцыю пратэсту 19 снежня 2010 г. на 4 гады турмы. Вызвалілі яго ў верасні, хоць прашэння аб памілаванні ён не пісаў.

Павел мае дачыненне да арганізацыі трох незвычайных акцый пратэсту, што прайшлі ў Мінску ў лютым: 10 лютага на плошчы Незалежнасці пратэставалі плюшавыя цацкі, 17-га «невядомыя ў масках Лукашэнкі» раздавалі ля Камароўскага рынка сталіцы слоікі «Хрэн вам ад Лукашэнкі», а 20 лютага каля Дома ўрада трое маладых людзей выйшлі з літарамі ШОС.

Вечарам гэтага ж дня, 20 лютага, Вінаградаў знік.
А 17-й хлопец выйшаў з офіса грамадзянскай кампаніі «Гавары праўду». Пасля гэтага мабільны стаў недаступным. У 18:30 у яго была запланаваная сустрэча ў кавярні «Містраль» на Валадарскага, да якой ён так і не дайшоў. Затое стала вядома, што туды прыходзілі двое ў цывільным і кагосьці шукалі.

Святлана Вінаградава абтэлефанавала вечарам 20 лютага ўсе РУУСы сталіцы, а таксама ізалятар на Акрэсціна,

але паўсюль казалі, што яе мужа нідзе няма.
Яна нават звярнулася ў Цэнтр рэгістрацыі няшчасных выпадкаў. І толькі, а 4-й раніцы Святлане паведамілі, што муж знаходзіцца на Акрэсціна.

21 лютага Павел быў асуджаны судом Маскоўскага раёна на 10 сутак.

nn.by

0
Paliasouschtschyk / Адказаць
05.03.2012 / 12:10
U katory uzscho raz sudziac Winahradawa ?! Ach, nia liubic matki-praudy zhraia ta ,- urodawa !
0
Юлия / Адказаць
05.03.2012 / 12:11
Участковый Давидюк дает показания против Павла. К нему присоединился второй свидетель – участковый Московского РОВД Листопадов. Милиционеры утверждают, что гражданин Виноградов ругался матом возле магазина «Базар» (ул.Есенина,12). Причем, задержали его после того, как он был освобожден из изолятора на Окрестина (т.е. после 17.30 2-го марта). По словам милиционеров, они совершали обыкновенное патрулирование и в его ходе обнаружили «матерящегося» Виноградова. Виноградов, в свою очередь, заявляет, что свидетели врут. От адвокатов Павел отказался, никаких ходатайств не заявлял. В судебном заседании объявлен перерыв на 20 минут. В здание суда поддержать Павла прибыли Валентин Стефанович, правозащитник центра «Вясна», и независимый журналист Александр Борозенко.
0
Урфін Джюс / Адказаць
05.03.2012 / 14:14
А што могуць сказаць мае дубаломы? Толькі тое, што я ім падказаў. Калі штосьці будзе не так, дык я іх спалю альбо разбяру на часткі. Эх, на жаль, няма больш цудадзейнага парашку.
Каб пакінуць каментар, калі ласка, актывуйце JavaScript у наладах свайго браўзеру