Пасля выступлення нямецкага гурту U.D.O. у сталічнай канцэртнай зале «Мінск» 5 сакавіка супрацоўнікі міліцыі затрымалі семярых прыхільнікаў цяжкай музыкі.
Як паведамілі ў ГУУС Мінгарвыканкама, падчас канцэрта некаторыя агрэсіўна настроеныя прыхільнікі
Заўвагі з боку адміністрацыі яны ігнаравалі.
Пасля атрымання інфармацыі аб складанай сітуацыі на месца інцыдэнту ў мэтах недапушчэння правапарушэнняў і аховы грамадскага парадку былі накіраваны нарады Ленінскага РУУС, а таксама супрацоўнікі міліцэйскага спецназу ГУУС Мінгарвыканкама. У выніку сямёра найбольш агрэсіўна настроеных маладых людзей былі затрыманы і дастаўлены для разбору ў Ленінскае РУУС.
Адной з прычын неадэкватных паводзін затрыманых стала тое, што яны былі ў стане алкагольнага ап`янення, заявілі ў РУУС. Гэтаму спрыяла бесперашкодная рэалізацыя спіртнога ў гандлёвых пунктах канцэртнай залы. Акрамя таго, першапачаткова арганізатары канцэрта ў пытаннях бяспекі паспадзяваліся выключна на ўласныя сілы і пагрэбавалі магчымасцямі органаў унутраных спраў.
За ўчыненае дробнае хуліганства затрыманым пагражае штраф ці адміністрацыйны арышт.