Пра звальненне паведамілі калегі прадзюсара, на якога ўскладаюць адказнасць за фальсіфікацыю вынікаў «Еўрафэсту».
«Больш сюды не тэлефануйце. Ён [Баранаў] тут больш не працуе», — адказалі ў працоўным кабінеце прадзюсара.
Нагадаем, 24 лютага намеснік старшыні Адміністрацыі прэзідэнта Аляксандр Радзькоў паведаміў, што менавіта Дзмітрый Баранаў загадаў змяніць вынікі тэлефоннага галасавання на «Еўрафэсце». Так пераможцай конкурса апынулася Алена Ланская, а гурт Litesound апусціўся на другое месца.
Аляксандр Лукашэнка пакараў вымовамі міністра культуры Паўла Латушку і старшыню Белтэлерадыёкампаніі Генадзя Давыдзьку. Чыноўнікам было загадана звольніць вінаватых у падробцы вынікаў галасавання.
Было патлумачана, што Баранаў прыйшоў у апаратную і загадаў сфальсіфікаваць вынікі галасавання.
