13.03.2012 / 13:37

Слова за Лукашэнкам 20

Камісія разгледзела прашэнні аб памілаванні Саннікава, Бандарэнкі і Кавалёва

Камісія па памілаванні пры Лукашэнку днямі збіралася на сваё чарговае пасяджэнне.

Сярод іншых сябры камісіі разгледзелі прашэнні аб памілаванні асуджанага на смерць Уладзіслава Кавалёва, а таксама экс-кандыдата ў прэзідэнты Андрэя Саннікава і Змітра Бандарэнкі.
Пра гэта паведаміў старшыня камісіі Мікалай Самасейка. Вось толькі пра тое, якое рашэнне прыняла камісія, ён казаць адмовіўся.

«Што да пасяджэння камісіі па памілаванні я ніякіх каментароў даваць не буду. Ні па Саннікаву, ні па тэрарыстах, ні па іншых значных ці нязначных справах. Усё з’явіцца ў прэсе — гэта кампетэнцыя прэзідэнта».

Калі стане вядома рашэнне кіраўніка краіны, не вядома.

Нагадаем, 30 лістапада 2011 года Вярхоўны суд асудзіў Уладзіслава Кавалёва і Дзмітрыя Канавалава на смерць за тэракт у сталічным метро. Кавалёў напісаў на імя кіраўніка краіны прашэнне аб памілаванні яшчэ на пачатку снежня 2011 года. Палітвязень Андрэй Саннікаў напісаў прашэнне аб памілаванні летась 20 лістапада. А яшчэ адзін палітвязень Зміцер Бандарэнка быў змушаны напісаць прашэнне 1 лютага.

0
скоцтва / Адказаць
13.03.2012 / 13:43
А, заварушыліся, як Еўропа стукнула кулаком па стале. Слугі сатаны...
0
Алень / Адказаць
13.03.2012 / 13:59
Цяпер "усіх тэрарыстаў" можна і памілаваць. Шкадуюць прапагандосы, што Статкевіча не зламалі. Так бы большасьць палітзэкаў з Кавалёвым у адным флаконе падавалі б.
0
Volat / Адказаць
13.03.2012 / 14:08
А што па Севярынцу і Статкевічу? Зробіць пакрыўджаны твар ды за так выпусціць?
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру